काठमाडौं। पाकिस्तानको सिन्धमा मीरपुरखास जिल्लानजिकै गाउँलेहरुले मंगलबार विहान एक युवा गोहीको निर्मम तरिकाले हत्या गरेका छन् । गाउँलेहरुको दावीअनुसार उनीहरुको गाउँमा गोलीले एक बाख्रोमाथि आक्रमण गरेको थियो । त्यसपछि स्थानीयले बदला लिनको लागि बञ्चरोले गोहीको हत्या गरिदिए र डोरीले कसेर बाँधेर त्यसलाई अर्को गाउँमा बेच्नको लागि लिएर गए ।

पाकिस्तानी अखबार एक्सप्रेस ट्रिब्युनसँग कुरा गर्दै एक गाउँलेले भने ‘यसले हाम्रो बाख्रो मारेको थियो । हामीले यसलाई बञ्चरोले मारिदियौं ।’ एक भिडियोमा गाउँलेहरुलाई डोरीले बाँधिएको गोहीलाई अर्को गाउँतिर लिएर गइरहेको देख्न सकिन्छ । भिडियोमा डोरीले गोही समाउने व्यक्ति भनिरहेका छन् ‘यो गोही एक घर मालिकलाई दिन्छौं, बदलामा हामीले कुनै पुरस्कार पाउँछौं ।’

TW: animal cruelty

Angry villagers near Mirpurkhas in Sindh reportedly killed a crocodile after it ate one of their goats. They bound the lifeless reptile and transported it to another village in order to reap some “reward”.

For more: https://t.co/Z921GRoLIQ#etribune #news pic.twitter.com/W6YHi9rBHQ

— The Express Tribune (@etribune) February 8, 2022

मीरपुरखासका एक स्थानीय पत्रकार मुहम्मद हाशम शारका अनुसार स्थानीय जनतामा वन्यजन्तुको महत्वको बारेमा कुनै जागरुकता छैन । सिंघ वन्यजीव विभागको भूमिकाको पनि आलोचना गर्दै शारले भने ‘निर्दोष जनावरको हत्याका बावजुद अधिकारीहरुले उचित कदम उठाइरहेका छैनन् ।’ उनका अनुसार मीरपुरखासमा यो एकमात्र घटना होइन । यस किसिमका घटनाहरु लगातार भइरहन्छन् ।

उनले भने ‘हामीले देखिरहन्छौं कि मानिसहरु नियमित रुपमा जनावरहरु मारिरहेका छन् र एसडब्लुडीलाई यी हत्याहरुको जानकारी छैन । केही प्रभावशाली व्यक्तिहरु वन्यजीवका शिकारीहरु र हत्याराहरुको समर्थन गरिरहेका छन् ।’ यहाँका स्थानीयका अनुसार यस क्षेत्रमा धेरै गोहीहरु थिए तर तिनीहरुले पहिले शायदै पशुहरु वा मानिसकाथि आक्रमण गरेका थिए ।