काठमाडौं । रुसले युक्रेनको मुख्य बन्दरगाह सहर मारियुपोलमा रहेका युक्रेनी सैनिकले आइतबारसम्ममा हतियार त्यागेमा ती युक्रेनी सैनिकको ज्यान बचाउने बताएको छ । रुसी सरकारले युक्रेनी सेना र “विदेशी भाडाका सैनिकहरू” अझै पनि मारिउपोलमा लडिरहेको बताएको छ।

रुसले मारियुपोलको अधिकांश भाग कब्जा गरेको र युक्रेनी सैनिकहरूले मस्कोको समयअनुसार बिहान ६ बजेदेखि दिउँसो १ बजेसम्म हतियार त्यागेमा सुरक्षाको ग्यारेन्टी हुने बताएको छ। रुसले त्यसो गर्नेलाई जेनेभा महासन्धि अन्तर्गत युद्धबन्दी जस्तै व्यवहार गरिने बताएको छ ।

रुसले शहरमा युक्रेनी सुरक्षा बलहरू एजोफ्स्टल स्टिलवर्क क्षेत्रमा सीमित रहेको बताएको छ। विज्ञप्तिमा भनिएको छ कि रूसी सुरक्षा बलहरूले यो जानकारी “लगातार प्रसारण” गर्नेछन् ताकि एजोफ्स्टलमा उपस्थित सैनिकहरूले प्रस्ताव प्राप्त गरुन् । यो रात भर हरेक आधा घण्टा प्रसारण गरिनेछ।

रूसले सुरक्षा बलहरूले किभको अनुमतिको लागि नपर्खन र आफ्नै निर्णय लिएर आत्मसमर्पण गर्न पनि भनिएको छ।

युक्रेनका राष्ट्रपति भोलोदिमिर जेलेन्स्कीले मारिउपोलको एक सानो भाग मात्र युक्रेनी सुरक्षा बलहरूले ओगटेको र उनको सरकार यसको रक्षा गर्ने सेनासँग निरन्तर सम्पर्कमा रहेको स्वीकार गरेका छन्।

रोयटर्स समाचार एजेन्सीका अनुसार राष्ट्रपतिले अवस्था निकै गम्भीर रहेको बताएका छन् ।

यद्यपि, उनले युक्रेनी सेनाबाट मारियुपोललाई मुक्त गरिएको र एजेफ्स्टलमा सीमित भएको रसियाको दाबीको जवाफ दिएनन्। रुसले यी सैनिकहरू एउटा ठूलो स्टिल र फलामको प्लान्टमा रहेको बताएको छ ।

रुसी रक्षा मन्त्रालयका प्रवक्ताले उक्त प्लान्टमा २,५०० युक्रेनी सैनिक रहेको र रुसी सेनाले बाहिरिने बाटो अवरुद्ध गरेको बताए। तर, बीबीसीले यी रिपोर्टहरूको स्वतन्त्र रूपमा पुष्टि गर्न सकेको छैन।