काठमाडौं । इरान रेलवेका सीईओले अफगानिस्तानसँगको सम्बन्ध विस्तारमा सकारात्मक प्रतिक्रिया दिएका छन्। इस्लामिक रिपब्लिक न्यूज एजेन्सीका अनुसार तेहरानमा भएको बैठकमा उनले अफगानिस्तान इरानसँगको सम्बन्धलाई अगाडि बढाउन तयार भएमा इरान पनि त्यसका लागि तयार रहेको बताए ।

रेलवेका प्रमुख कार्यकारी अधिकृतले यो रुट सञ्चालनका लागि आवश्यक स्रोतसाधनसहित सुरक्षा सुनिश्चित गर्दै खाफ–हेरात रेलवे पुनः सञ्चालन गर्नुपर्नेमा जोड दिए ।

इरान रेलवेका सीईओ सालेहीले आफ्नो टिप्पणीमा इरान र अफगानिस्तानबीच धेरै विषयहरू छन् जसमा दुवै देश मिलेर अघि बढ्न सक्ने बताए।

दुवै देश मिलेर अगाडि बढ्न सक्ने धेरै सम्भावना छन् । तर, दुवै देशको प्रगतिका सम्भावनाहरू ठीकसँग विस्तार हुन नसकेको र दुवै देश पछि परेकोमा शत्रुहरू खुसी रहेको कुरामा पनि उनले जोड दिए ।

अफगानिस्तानको रेलवे विभागका प्रमुख बख्त-उर-रहमान शराफतले पूर्वी इरानमा भएको रेल दुर्घटनाप्रति दुःख व्यक्त गर्दै अफगानिस्तान सरकारले इरानसँगको सम्बन्धमा थप प्रगतिको स्वागत गरेको बताए।

शराफतले इरानको सडक र शहरी विकास मन्त्रालयसँग खाफ-हेरात रेलवेको तेस्रो चरण पुनः सुरु गर्न आह्वान गरेका छन्।

इरान र अफगानिस्तान बीचको पहिलो रेल डिसेम्बर २०२० मा सुरु भएको थियो। जसले इरानको उत्तर-पूर्वी सहर खाफलाई अफगानिस्तानको पश्चिमी शहर घोरियनसँग जोड्छ। यो ट्रयाक १४० किलोमिटर लामो छ।

अफगानिस्तानको तेस्रो ठूलो सहर रोजनाकलाई काबुलसँग जोड्न अर्को ८५ किलोमिटर ट्र्याक चाहिन्छ।

यो ट्रयाक बनिसकेपछि यसबाट ६० लाख टन सामान आवतजावत गर्न सकिनेछ भने वार्षिक करोडौं मानिसले यसको फाइदा लिन सक्नेछन् ।