काठमाडौं । युक्रेनले रुसको कब्जामा रहेको क्रिमियामा रहेको रुसी बेसमा नयाँ आक्रमण गरेको छ । युक्रेनी सेनाले यी क्षेत्रमा रहेका रुसी अड्डाहरूमा ड्रोन आक्रमण गरेको छ।

युक्रेनी सार्वजनिक प्रसारकले भन्यो, “रसियाको ब्ल्याक सी फ्लीटको सेभास्टापोलमा रहेको मुख्यालयबाट धुवाँ उठेको देखिन्छ। प्रसारणकर्ताले स्थानीय मिडियालाई उद्धृत गर्दै यसको भिडियो पोस्ट गरेको छ। तर, यी आक्रमणको स्वतन्त्र पुष्टि गर्न सकिएको छैन।

अर्कोतर्फ रुसी सञ्चारमाध्यमले क्रिमियाको पश्चिमी क्षेत्रमा युक्रेनको आक्रमण असफल भएको बताएको छ ।

गत सातादेखि युक्रेनले क्रिमियामा रहेका रुसी सैन्य अड्डा र हतियार भण्डारमा लगातार आक्रमण गरिरहेको छ । यद्यपि युक्रेनले अहिलेसम्म यी आक्रमणको पुष्टि गरेको छैन। रुसले सन् २०१४ मा क्रिमियालाई युक्रेनबाट गाभेको थियो ।