धनगढी । धनगढी विमानस्थलमा विमान अवतरण गर्ने क्रममा स्याल देखिएपछि एकछिन विमानस्थल तनावग्रस्त बनेको छ । सौर्य एयरलाइन्सको जहाज अवतरणका क्रममा रनवेमा स्याल दौडेको थियो ।

शुक्रबार काठमाडौंबाट उडेको सौर्य एयरलाइन्सको जहाज अवतरण गर्ने क्रममा धान मार्गमा स्याल देखिएपछि जहाज ओभरसुट गर्नु परेको थियो । जहाजले धनगढीको आकाशमा करिब दुई मिनेटसम्म फन्को मार्नुपरेको विमानस्थल कार्यालयले जानकारी दिएको छ। दुई मिनेट ढिलो गरेर जहाज सुरक्षित अवतरण गरिएको विमानस्थल कार्यालयका निमित्त प्रमुख सोहनराज जोशीले बताए।