बेलायतको प्रधानमन्त्रीको कार्यालयमा तिहार मनाइयो ! पहिलो हिन्दु प्रधानमन्त्री ऋषि सुनकले के भने ?
काठमाडौं । बेलायतका नयाँ प्रधानमन्त्री ऋषि सुनकले माइक्रोब्लगिङ साइट ट्विटरमा दिपावलीपछिको कार्यक्रममा सहभागी भएको आफ्नो तस्विर शेयर गरेका छन् । समारोह बेलायतका प्रधानमन्त्रीको निवास र कार्यालय १० डाउनिङ स्ट्रिटमा भएको थियो ।
हात जोडेको आफ्नो तस्बिर सेयर गर्दै सुनकले लेखेका छन्, “आज १० डाउनिङ स्ट्रिटमा दिवाली रिसेप्शनमा उपस्थित हुन पाउँदा निकै राम्रो लाग्यो। म यो जिम्मेवारी अन्तर्गत बेलायतलाई यस्तो ठाउँ बनाउनेछु जहाँ हाम्रा छोराछोरी र हाम्रा नातीनातिनीले दियो बाल्नेन् र आफ्नो भविष्यलाई आशाका साथ हेर्नेछन्।”
Brilliant to drop into tonight’s Diwali reception in No10.
I will do everything I can in this job to build a Britain where our children and our grandchildren can light their Diyas and look to the future with hope.
Happy #Diwali everyone! pic.twitter.com/g4yhAGhToz
— Rishi Sunak (@RishiSunak) October 26, 2022
विशेष कुरा के छ भने हिन्दुहरुको विशेष पर्व दीपावलीको दिन बेलायतको कन्जरभेटिभ पार्टीले सुनकलाई प्रधानमन्त्री बन्न अनुमोदन गरेको थियो । ऋषि सुनकले आफ्नो हिन्दू पहिचान व्यक्त गर्दै आएका छन् ।
उनी धेरै अवसरमा मन्दिर र धार्मिक कार्यक्रममा पनि सहभागी भइसकेका छन् । सन् २०२० मा ऋषिले अर्थमन्त्रीको सपथ लिँदा गीतामा हात राखेर शपथ लिएका थिए ।
यस्तै भिडियोमा ऋषि सुनकलाई गाईको पूजा गरेको देख्न सकिन्छ । सन् २०२० मा दीपावलीमा आफ्नो घरबाहिर दीप प्रज्वलन गर्दा पनि ऋषि सुनकको तस्बिर सामाजिक सञ्जालमा छ ।
Facebook Comment