काठमाडौं । बेलायती शाही नौसेनाले पनडुब्बी सेवामा महिलालाई यौन उत्पीडन र दुर्व्यवहारको आरोपमा अनुसन्धान गर्न आदेश दिएको छ।

पनडुब्बी सेवामा काम गर्ने केही ह्विसलब्लोर्सले डेली मेललाई भने कि महिलाहरूले अधिकारीहरूको हातबाट उत्पीडनको सामना गर्नुपरेको थियो।

रोयल नेवीका फर्स्ट सी लर्ड एडमिरल सर बेनले भने, ‘रोयल नेवीमा यौन उत्पीडनको कुनै स्थान छैन। शाही नौसेनाले यसलाई कुनै पनि हालतमा सहने छैन।”

‘दोषी जो भए पनि जिम्मेवार हुनेछ,’ उनले भने ।

‘डेली मेल’ले पुरुष चालक दलका सदस्यले तयार पारेको सूचीको विवरणसहित आरोपको विवरण सार्वजनिक गरेको छ । यसमा कुन दिन कुन महिलामाथि आक्रमण हुन्छ भन्ने बताइएको छ ।

एक महिलाले डेली मेललाई बताएकी छिन् कि उनी सुतिरहेको बेला एक उच्च अधिकारीले उनीमाथि यौन दुर्व्यवहार गरेका थिए। एक वरिष्ठ अधिकारीले उनको मिर्गौलामा मुक्का हानेको उनले बताइन् ।