काठमाडौं । चीनको सबैभन्दा ठूलो आईफोन कारखानाबाट धेरै कामदारहरू भागेका भिडियोहरू सामाजिक सञ्जालमा भाइरल भएका छन्। भाइरल भिडियोमा केही व्यक्ति कारखाना परिसरको काँडेबारमा चढेको देखिन्छ ।

चिनियाँ सामाजिक सञ्जालमा शेयर भइरहेका भिडियोहरू र चीनमा बीबीसी संवाददाता स्टीफन म्याकडोनेलबाट प्राप्त जानकारी अनुसार मानिसहरूले कारखाना छाडेर पैदल हिँडेर घरतिर हिँडेको देखाइएको छ।

उनीहरु सहर पुग्न सरकारी बस समेत प्रयोग नगरी पैदलै घर तर्फ लागिरहेका छन् । फाइनान्सियल टाइम्सले २२ वर्षीय कर्मचारीलाई उद्धृत गर्दै भनेको छ कि उनी र अर्को सहयोगीलाई राखिएको ठाउँमा आतंकको वातावरण थियो।

Workers have broken out of #Apple’s largest assembly site, escaping the Zero #Covid lockdown at Foxconn in #Zhengzhou. After sneaking out, they’re walking to home towns more than 100 kilometres away to beat the Covid app measures designed to control people and stop this. #China pic.twitter.com/NHjOjclAyU

— Stephen McDonell (@StephenMcDonell) October 30, 2022

“हामीले पहिले प्लाष्टिकको पर्खाल हामफाल्यौं र त्यसपछि प्लान्टबाट बाहिर निस्कन धातुको पर्खाल चढ्यौं,” उनले भने। चीन सरकारले आफ्नो शून्य कोविड नीति अन्तर्गत फेरि एक पटक कडा लकडाउन घोषणा गरेको छ।

यस कारखानामा कति जनामा ​​कोभिड संक्रमण देखिएको छ भन्ने खुलाइएको छैन । गत हप्ता, हेनान प्रान्तको राजधानी झेंग्झाउमा १६७ कोभिड संक्रमणका घटनाहरू रिपोर्ट गरिएको थियो।

समाचार एजेन्सी रोयटर्सका अनुसार यो संख्या गत हप्ताको ९७ मामिलाभन्दा बढी हो। यसपछि करिब एक करोड जनसंख्या भएको सहरमा आंशिक लकडाउन लगाइएको थियो ।

यस फक्सकन प्लान्टमा हजारौं कामदारहरू काम गर्छन्, यद्यपि कारखानाले आधिकारिक रूपमा कति संक्रमणका घटनाहरू रिपोर्ट गरिएको छ भनेर बताएको छैन। ताइवानी कम्पनीले आइतबार दावी गरेको छ कि उसले कुनै पनि कर्मचारीलाई कारखाना छोड्नबाट रोक्ने छैन।

केही दिनदेखि प्लान्ट वरिपरि लकडाउन रहेको, सङ्क्रमण फैलिन नदिन दैनिक कोभिड–१९ सङ्क्रमित कामदारको परीक्षण र क्वारेन्टाइनमा राखिएको पनि कर्मचारीहरूले दाबी गरेका छन् ।

गत साता अक्टोबर १९ मा सामूहिक खानेकुरामा प्रतिबन्ध लगाउने घोषणा गरिएको थियो र कर्मचारीहरुलाई आफ्नो कोठामा खाना खान भनिएको थियो ।