ब्राजिलमा लुला डा सिल्भाको जितपछि बोल्सोनारो समर्थकहरूद्वारा आगजनी र नाकाबन्दी
काठमाडौं । ब्राजिलको राष्ट्रपतीय निर्वाचनमा लुला डा सिल्भाले निकट प्रतिस्पर्धामा जायर बोल्सोनारोलाई पराजित गर्दै विजयी भएका छन् । यस चुनावमा लुला डा सिल्भाले ५०.९ प्रतिशत र बोल्सोनारोले ४९.१ प्रतिशत मत प्राप्त गरेका छन् ।
लुलाको जितपछि ब्राजिलको अवस्था बिग्रँदै गएको देखिन्छ । यो हार बोल्सोनारो समर्थकले अझै स्वीकार गरेका छैनन्।
यस्तो अवस्थामा उनले चुनावी नतिजालाई स्वीकार नगर्ने र चुनौती दिन सक्ने आशंका गरिएको छ । उनको सरकारका एक क्याबिनेट मन्त्रीले भने कि बोल्सोनारोले मंगलबार चुनावी नतिजाहरूमा टिप्पणी गर्न सक्छन्।
यसैबीच, बोल्सोनारोलाई समर्थन गर्ने ट्रक चालकहरूले ब्राजिलका धेरै ठाउँहरूमा महत्त्वपूर्ण सडकहरू अवरुद्ध गरेका छन्।
समाचार एजेन्सी रोयटर्सका अनुसार यी विरोध प्रदर्शनको भिडियो फुटेजमा केही ट्रक चालकहरूले लुलालाई राष्ट्रपति बन्नबाट रोक्न सैन्य विद्रोहको आह्वान गरेको देखाइएको छ।
ब्राजिलको संघीय राजमार्ग पुलिसले रिपोर्ट गरेको छ कि प्रदर्शनकारीहरूले ३२१ स्थानमा विरोध प्रदर्शन गरेका छन्, २६ राज्यहरूमा पूर्ण वा आंशिक रूपमा सडकहरू बन्द छन्।
ट्रक चालकहरूले सर्वोच्च अदालतको अगाडिको चौराहा घेराबन्दी गरेको खबर पाएपछि प्रहरीले ब्राजिलियामा केन्द्रीय सरकारी कार्यालयहरू जाने बाटोहरू बन्द गरेको छ।
डिजेलको मूल्य कम राख्ने जस्ता नीतिहरूको कारण ट्रक चालकहरू बोल्सोनारोका सबैभन्दा महत्त्वपूर्ण समर्थकहरू हुन्।
Facebook Comment