काठमाडौं । गुडिरहेको कार (ट्याक्सी) मा एक महिलाले बच्चालाई जन्म दिइन् । जसका कारण ट्याक्सी चालकले उनीसँग थप पैसा मागेका थिए । भाडा बाहेक क्याब कम्पनीले महिलालाई ५ हजार ७१३ रुपैयाँ थप बिल बुझायो । उनलाई सरसफाईको नाममा यो बिल दिइएको हो । महिला आफैले आफ्नो कथा साझा गरेकी छिन्।

वास्तवमा बेलायतमा बस्ने २६ वर्षीया फराह काकेन्डिन नियमित चेकअपका लागि ट्याक्सीबाट अस्पताल जाँदै थिइन् । त्यसपछि अचानक बाटोमा उनलाई सुत्केरी व्यथा लाग्यो । त्यसको केही समयपछि फराहले गुडिरहेको गाडीमा बच्चालाई जन्म दिइन् ।

तर, यसअघि नै चिकित्सा सेवा बोलाइएको थियो । तर घटनास्थलमा एम्बुलेन्स पुग्न सकेको थिएन । जसका कारण डेलीभरीपछि फराह आफैं क्याब चढेर अस्पताल पुगिन् । यहाँ गेटमा उभिएका नर्सहरूले उनलाई स्वागत गरे र तुरुन्तै उनको उपचार सुरु गरे। फराह नवजात शिशुलाई ज्याकेटमा बेर्दै आइपुगेकी थिइन् ।

केही दिनपछि फराहलाई एरो ट्याक्सी कम्पनीको ट्राभल बिल आयो, जुन देखेर उनी अलमलमा परिन् । उनलाई २० किलोमिटरभन्दा कम यात्रा गरेबापत ८ हजार ५६८ रुपैयाँ बिल दिइएको थियो । त्यसमध्ये ५ हजार ७१३ रुपैयाँ सरसफाइ शुल्क थियो, किनभने उनले कारमै बच्चा जन्माएकी थिइन् ।

द सनका अनुसार यस घटनाको बारेमा फराह भन्छिन्–यो सबै यति छिटो भयो कि मैले डराउने मौका पाइन । साथमा उनले भनिन्, ‘मैले गल्ती गरेको बुझेको छु, तर क्याब कम्पनीले यसका लागि पैसा लिनु अलि अप्ठ्यारो लाग्छ ।