काठमाडौं । तान्जानियाको एउटा यात्रुवाहक विमान उत्तर-पश्चिमी सहर बुकोबा नजिकैको भिक्टोरिया तालमा दुर्घटनाग्रस्त भएको छ।

स्थानीय सञ्चारमाध्यमका अनुसार ४९ यात्रुमध्ये २० जनाभन्दा बढीको उद्धार गरिएको छ तर यी तथ्याङ्कको आधिकारिक पुष्टि भइसकेको छैन।

उद्धारकर्मी र स्थानीय माछा मार्नेहरू घटनास्थलमा बाँचेकाहरूको खोजी गरिरहेका छन्।

तस्बिरहरूले विमान लगभग पूर्ण रूपमा डुबेको देखाउँदछ केवल पानीको माथि खैरो र हरियो पुच्छरको पखेटा सेखिन्छ जुन उद्धारकर्मीहरू र माछा मार्ने डुङ्गाहरूले घेरिएको देखिएको छ ।

बुकोबा एयरपोर्टको रनवेको एउटा छेउ अफ्रिकाको सबैभन्दा ठूलो ताल भिक्टोरिया तालको किनारमा छ।

प्रेसिजन एयरको उडान तान्जानियाको सबैभन्दा ठूलो सहर दास एस सलामबाट म्वान्जा हुँदै बुकोबा जाँदै गर्दा आँधी र भारी वर्षाको सामना गर्नुपर्‍यो।

प्रेसिजन एयर तान्जानियाको सबैभन्दा ठूलो निजी स्वामित्वको एयरलाइन हो।