काठमाडौं । कतारमा आगामी फुटबल विश्वकपका लागि राजदूतले समलैंगिकतालाई ‘दिमागी गडबडी’ भनेका छन् । ह्युमन राइट्स वाचले उनको बयानलाई “हानिकारक र अस्वीकार्य” भनेको छ।

कतारका पूर्व अन्तर्राष्ट्रिय फुटबलर र यस विश्वकपका लागि देशका राजदूत खालिद सलमानले जर्मन प्रसारक जेडडीएफको वृत्तचित्रमा भने कि प्रतियोगितामा भाग लिने एलजीबीटीक्यु प्लस मानिसहरूले “हाम्रो नियमहरू स्वीकार गर्नुपर्छ।”

सलमानले भने, ‘समलैंगिकता हराम हो, तपाइँलाई थाहा छ हराम भनेको के हो ?’

यो किन हराम हो भनेर सोध्दा उनले भने: “म कट्टर मुस्लिम होइन तर यो किन हराम हो? किनभने यो दिमागी गडबडी हो।”

यो अन्तरवार्ता मंगलबार प्रसारण हुने वृत्तचित्रको अंश हो ।

२०२२ को विश्वकपका लागि एम्बेसडरका रूपमा सलमानले अन्तर्वार्ता दिइरहेका थिए, सलमानसँगै कैफु, सावि अर्नान्डेजलगायत धेरै फुटबल खेलाडीलाई राजदूत बनाइएको छ ।

ह्युमन राइट्स वाचका वरिष्ठ अनुसन्धानकर्ता रशा युनुसले भनेकी छिन्, ‘समलिङ्गी आकर्षण ‘दिमागी गडबडी’ हो भन्ने सलमानको विश्वास हानिकारक र अस्वीकार्य छ।

“कतार सरकारको यस्तो नक्कली जानकारीको सामना गर्न असफल हुनुले कतारमा एलजीबीटीक्यु प्लस मानिसहरूको जीवनमा महत्त्वपूर्ण प्रभाव पारेको छ।”