काठमाडौं । बेलायतका राजा चार्ल्स तृतीय र उनकी पत्नी क्विन कन्सोर्ट क्यामिलालाई बुधबार योर्कशायरमा भएको एक कार्यक्रममा अण्डा प्रहार भएको छ । यो घटना राजा चार्ल्स तृतीयको योर्कशायरको आधिकारिक भ्रमणको दोस्रो दिनमा भएको थियो। महारानी एलिजाबेथ द्वितीयको मृत्युपछि यो शाही जोडी पहिलो पटक यहाँ पुगेको हो । यस मामिलामा २३ वर्षीय युवक पक्राउ परेका छन् ।

आरोपीले राजा चार्ल्स तेस्रोलाई निशाना बनाएर लगातार तीनवटा अण्डा हानेका थिए । तर लक्ष्यमा पुग्न नसक्दा अण्डा भुइँमा खसेको थियो । यसैबीच, राजा चार्ल्सले मानिसहरूलाई निडरतासाथ भेट्न र उनीहरूको अभिवादन स्वीकार गर्न जारी राखे।

रिपोर्टका अनुसार राजा चार्ल्स तृतीयलाई निशाना बनाएर अण्डा हान्ने व्यक्तिले “यो देश दासहरूको रगतले बनेको हो” भनेर चिच्याए। राजा चार्ल्स र क्यामिला आफ्नी आमा र स्वर्गीय रानी एलिजाबेथ द्वितीयको प्रतिमा अनावरण गर्न यहाँ आइपुगेका थिए ।

नर्थ योर्कशायर प्रहरीले एक विज्ञप्ति जारी गर्दै अभियुक्त अहिले प्रहरी हिरासतमा रहेको जनाएको छ । प्रहरीले अभियुक्तको परिचय भने खुलाएको छैन ।

घटनाको भाइरल भिडियोमा राजा चार्ल्स तृतीय अण्डाको आक्रमणबाट जोगिएको देख्न सकिन्छ, त्यसपछि मानिसहरूले ‘भगवान राजालाई बचाऊ’ र ‘सेम अन यू’ भनेर नारा लगाउन थाले।

धेरै देशहरूमा, दास व्यापारमा बेलायत र शाही परिवारको भूमिका समय-समयमा औंल्याइएको छ। यस वर्षको सुरुमा, प्रिन्स विलियम र उनकी पत्नी क्याथरिनको क्यारेबियन भ्रमणको क्रममा, उनीहरूले दास प्रथालाई बढावा दिएकोमा शाही परिवारबाट माफी माग्न पनि माग गरेका थिए।

१९८६ मा जब रानी एलिजाबेथ द्वितीय अकल्याण्ड, न्यूजील्याण्ड पुगिन् । त्यतिबेला उनीमाथि पनि अण्डा प्रहारको घटना भएको थियो, जसका कारण उनलाई निकै चोट लागेको थियो ।