काठमाडौं । धेरैजसो मानिस तौल घटाउन र शरीरलाई ताजा राख्न कागती पानी पिउने गर्दछन्। कागती पानीले तौल घटाउन मात्र नभई छालालाई फाइदा पु¥याउने र रोग प्रतिरोधात्मक क्षमता बढाउने काम पनि गर्छ ।

कागती पानीमा प्रोटिन, फ्याट, कार्बोहाइड्रेट, मिनरल, पोटासियम, भिटामिन–सी र फोलेट जस्ता आवश्यक पोषक तत्वहरू पाइन्छ। जुन शरीरका लागि निकै महत्त्वपूर्ण हुन्छ। तर, कागती पानीको अत्यधिक सेवनले पनि धेरै समस्या निम्त्याउन सक्छ ।

धेरै कागती पानी कति हानिकारक ?

यदि कुनै खानेकुरा राम्रो छ भने यसको अर्थ धेरै मात्रामा सेवन गर्नुपर्छ भन्ने होइन । यसले शरीरलाई हानि पनि पुर्‍याउन सक्छ। हामी सबैले बाल्यकालदेखि नै कागती पानीको फाइदाको बारेमा सुन्दै आएका छौं तर कागतीको साइड इफेक्ट बेफाइदाका बारेमा धेरै कमलाई थाहा होला । कागतीमा भिटामिन सी र फोलिक एसिड उच्च मात्रामा पाइन्छ। जुन दाँत र मृगौलाका लागि हानिकारक हुन सक्छ। कागतीको अत्याधिक सेवनले पनि एसिडिटी हुन सक्छ ।

दाँत दुख्न सक्छ– कागती एक अत्यधिक अम्लीय सिट्रस फल हो। यदि कुनै व्यक्तिले कागतीको रस बारम्बार खान्छ भने, उसलाई कागतीको अमिलो भएकाले दाँतमा अतिसंवेदनशीलता र दाँत किड्ने समस्या हुन सक्छ। त्यसैले दाँतलाई सुरक्षित राख्न कागतीको प्रयोग कम गर्न सकिन्छ।

माइग्रेन हुन सक्छ– कागतीको रसले माइग्रेन निम्त्याउन सक्छ। सिट्रस फलहरूले प्रायः माइग्रेन र टाउको दुखाइलाई ट्रिगर गर्दछ। कागतीले टायरामाइन उत्पादन गर्छ, जसले टाउको दुख्न सक्छ। जसलाई टाउको दुख्ने समस्या हुन्छ, उनीहरुले यसको सेवन कम गर्नुपर्छ ।

पेटको समस्या बढ्न सक्छ– अत्याधिक सिट्रस फलफूल खाने मानिसहरूले अक्सर ग्यास्ट्रोइंटेस्टाइनल समस्या, एसिडिटी, वाकवाकी र बान्ताको सामना गर्छन्। ग्यास्ट्रोइन्टेस्टाइनल समस्या भएमा कागतीको सेवन नगर्नुका साथै चिकित्सकको सल्लाह पनि लिनुपर्छ ।

छालामा कागतीको बोक्राको प्रभाव
कागतीको बोक्राले धेरै खतरनाक रोग निम्त्याउन सक्छ। कागतीको बोक्रामा हानिकारक कीटाणु हुन सक्छ, जसले छालालाई हानि पुर्‍याउन सक्छ। रोगहरूको जोखिम कम गर्न, कागतीको बोक्राको सट्टा कागतीको रस प्रयोग गर्न सकिन्छ।