के मधुमेहले प्रजनन क्षमतामा असर गर्छ ? अध्ययनले यसो भन्छ !

डिसी नेपाल
१९ मंसिर २०७९ १३:११

काठमाडौं । मधुमेह एक गम्भीर रोग हो । मधुमेहलाई अङ्ग्रेजीमा डायबिटिज, नेपालीमा चिनीरोग भनेर पनि चिनिन्छ। रगतमा चिनीको मात्रा बढी हुँदा उपचार गरिएन भने यसले धेरै जटिलताहरू निम्त्याउन सक्छ। मधुमेहले शरीरमा धेरै साइड इफेक्ट हुने खतरा हुन्छ।

रगतमा चिनीको मात्रा बढ्ने अवस्थाले स्नायु, आँखा, मिर्गौला, पाचन स्वास्थ्यमा कठिनाइ बढाउन सक्छ। स्वास्थ्य विज्ञहरू भन्छन्, रगतमा चिनी बढेको अवस्थामा स्वास्थ्यमा धेरै किसिमका असरहरु देखा पर्ने गर्दछ। यस्तो अवस्थामा मधुमेहको प्रजनन क्षमतामा पनि असर पार्न सक्छ?  भन्ने प्रश्न उठ्छ।

मधुमेहले शरीरमा पार्ने साइड इफेक्टहरू जान्नका लागि गरिएका सबै अध्ययनमा रगतमा चिनीको मात्रा बढ्दा शरीरमा गम्भीर समस्या निम्त्याउने गरेको पाइएको छ । केही अध्ययनहरूले मधुमेह भएका पुरुष र महिलाहरूको प्रजनन स्वास्थ्यमा प्रतिकूल प्रभावहरू देखाएको छ। सबै मानिसले मधुमेहको जोखिमबाट जोगिराख्नु आवश्यक रहेको चिकित्सकहरु बताउँछन् ।

आउनुहोस् जान्नुहोस् यसले प्रजनन क्षमतामा के असर गर्छ?

मधुमेहले केही पुरुषहरूमा शुक्रकीटको गुणस्तरलाई पनि असर गर्ने एक अध्ययनले देखाएको छ । मधुमेह भएका पुरुषहरूमा गरिएको अध्ययनले मधुमेह नभएका पुरुषहरूको तुलनामा मधुमेह रोगीहरूले पुरुष हार्मोन टेस्टोस्टेरोनको उत्पादन कम भएको पत्ता लागेको छ। मधुमेहले प्रभावित पुरुषहरूलाई इरेक्शन प्राप्त गर्न र कायम राख्न गाह्रो बनाउने गर्दछ। मधुमेहले शुक्रकीटको गुणस्तर घटाउँछ। शोधकर्ताहरूले पत्ता लगाए कि मधुमेहले हार्मोनलाई पनि असर गर्ने गर्दछ। जसले प्रजनन स्वास्थ्यलाई असर गर्न सक्छ।

यौन स्वास्थ्यमा पनि साइड इफेक्ट:

मधुमेह रोग विशेषज्ञका अनुसार मधुमेह न्यूरोप्याथीको समस्या भएका व्यक्तिमा यौन स्वास्थ्यको जोखिम पनि बढी रहेको देखिएको छ । रगतमा चिनीको मात्रा बढ्दा स्नायुमा क्षति पुग्न सक्छ र यस प्रकारको समस्याले इरेक्टाइल डिसफंक्शनको जोखिम पनि बढाउँछ।

मधुमेहले शुक्राणुको गुणस्तर घटाउन सक्छ, तर त्यहाँ थोरै प्रमाणहरू छन् कि यसले शुक्राणुको गतिशीलता (वीर्यको अण्डा तर्फ सर्ने क्षमता) मा कमी ल्याउँने अध्ययनले देखाएको छ। यस्तो अवस्थामा यसबाट बाँझोपनको जोखिमलाई भने मान्न सकिँदैन ।

मधुमेह महिलाको यौन स्वास्थ्यमा असर:

मधुमेहको अवस्थाले महिलाहरूमा पनि धेरै प्रकारका यौन स्वास्थ्य सम्बन्धी विकारहरू बढाउन सक्छ। रगतमा चिनीको मात्रा बढेपछि पिसाब नलीमा इन्फेक्सनको जोखिम पनि बढ्छ। जसलाई समयमै ध्यान नदिने हो भने मृगौलामा पनि असर पर्न सक्छ । यसबाहेक मधुमेहका महिलामा पोलिसिस्टिक ओभरी सिन्ड्रोम (पीसीओएस), यौनाङ्ग जलन, संक्रमणको जोखिम पनि बढी देखिएको छ ।

चिकित्सक भन्छन्, यो महिला र पुरुष दुवै मधुमेह हुन बाट बच्नु पर्दछ। मधुमेह न्यूरोपैथी भएका व्यक्तिहरूमा विशेष गरी उच्च जोखिम हुन्छ। जसले प्रजनन र यौन स्वास्थ्यलाई असर गर्न सक्छ। मधुमेहको यस्तो जटिलताबाट बच्न रगतमा चिनीको मात्रा नियन्त्रणमा राख्ने उपायहरू अपनाउनुहोस्। खानपान र जीवनशैली सही राख्दा यस्ता समस्याबाट बच्न सकिन्छ ।


प्रतिक्रिया

Leave a Reply

Your email address will not be published. Required fields are marked *