काठमाडौं । युक्रेनको धेरै ठाउँमा मिसाइल आक्रमण भएको छ । युक्रेनी अधिकारीहरुका अनुसार दक्षिणी जापोरिजिया क्षेत्रमा कम्तीमा दुई जनाको मृत्यु भएको छ ।

रुसको सैन्य एयरफिल्डमा भएको विष्फोटपछि यी आक्रमणहरू भएका हुन् । यो क्षेत्र युक्रेनबाट सयौं किलोमिटर टाढा छ। यस हमलामा धेरै मानिस मारिएको बताइएको छ, यद्यपि अहिलेसम्म कसैले यसको जिम्मेवारी लिएको छैन।

क्षेप्यास्त्रले युक्रेनको ऊर्जा पूर्वाधारमा क्षति पुगेको छ। जसका कारण धेरै ठाउँमा विद्युत् अवरुद्ध भएको छ ।

युक्रेनबाट आएका तस्विरहरूमा न्यानो लुगा लगाएका मानिसहरू मेट्रो स्टेशनहरूमा शरण लिएको देख्न सकिन्छ। अहिले कीभ मा तापमान माइनस ५ डिग्री सेल्सियस छ।

युक्रेनका राष्ट्रपति भोलोडिमिर जेलेन्स्कीले आफ्नो वायु रक्षाले धेरै रुसी मिसाइलहरू खसालेको र विद्युत आपूर्ति सुनिश्चित गर्ने काम भइरहेको बताएका छन्।