काठमाडौं । इन्डोनेसियाको संसदले मंगलबार नयाँ फौजदारी कानूनलाई अनुमोदन गरेको छ। यो नयाँ कानुनले विवाह बाहिरको यौनसम्पर्कलाई अपराधको दायरामा ल्याएको छ । यो उल्लङ्घन गरेमा एक वर्ष जेल सजाय हुन सक्छ। यो नियम इन्डोनेसियाका नागरिक र देशमा बस्ने विदेशीहरूलाई समान रूपमा लागू हुनेछ।

यससँगै बिहेपछि पार्टनर बाहेक अरुसँग शारीरिक सम्बन्ध राख्न पनि प्रतिबन्ध लगाइएको छ । तर, पति–पत्नी वा छोराछोरीको उजुरीपछि मात्र प्रहरी कारबाही गर्न सकिने कानुनमा उल्लेख छ ।

नयाँ कानुनअनुसार श्रीमान्–श्रीमतीले मात्रै शारीरिक सम्बन्ध राख्न पाउनेछन् । यस्तो अवस्थामा विवाहित वा अविवाहित महिला वा पुरुषले यो कानूनको उल्लंघन गरेमा एक वर्ष जेल बस्नुपर्ने हुन्छ । यसका साथै उनीहरुलाई जरिवाना पनि लगाउन सकिन्छ ।

तर, महिला वा पुरुषले आफ्नो पार्टनर वा त्यसो गर्ने अविवाहितका बाबुआमाविरुद्ध उजुरी दिएमा कारबाही हुनेछ । अदालतमा सुनुवाइ अघि उजुरी फिर्ता लिन सकिन्छ। तर अदालतमा सुनुवाइ सुरु भएमा कानुन बमोजिम कारबाही हुन्छ । यससँगै राष्ट्रपति र सरकारी निकायको अपमान गर्न पनि प्रतिबन्ध लगाइएको छ ।

करिब तीन वर्षअघि इन्डोनेसियामा यो कानुन लागू गर्ने तयारी भइरहेको थियो । तर हजारौं जनता सडकमा यसको विरोध गर्न थाले, जसका कारण सरकार पछि हट्नुपरेको थियो। त्यसबेला आन्दोलनमा उत्रिएका जनताले यो कानुनलाई ‘वाक स्वतन्त्रता’ हनन भएको बताएका थिए ।

रिपोर्टका अनुसार इन्डोनेसियाका उप न्याय मन्त्री एडवर्ड ओमार सरिफले समाचार एजेन्सी रोयटर्ससँग यसबारे कुरा गरे। ओमर शरीफले भने कि हामी यो निर्णयमा गर्व गर्छौं, किनभने यसले इन्डोनेसियाली मूल्यहरू झल्काउँछ।

विशेष कुरा के हो भने यो प्रस्ताव इन्डोनेसियामा ठूलो मात्रामा पर्यटकलाई स्वागत गर्ने कानुन बनेमा यो इन्डोनेसियाका नागरिकलाई मात्र नभई यहाँ आउने विदेशीलाई पनि लागू हुनेछ ।

यसै कारण इन्डोनेसियाका धेरै व्यवसायी समूहले पनि यसप्रति चिन्ता व्यक्त गरेका छन् । सरकारको यो कदमले पर्यटनलाई मात्र नभई लगानीकर्तालाई पनि असर गर्ने उनको विश्वास छ ।