सबैको लघुवित्तको लाभांश घोषणा
काठमाडौँ। सबैको लघुवित्त वित्तीय संस्था आफ्नो सेयरधनीलाई लाभांश दिने भएको छ। बुधबार बसेको सञ्चालक समितिको बैठकले आर्थिक वर्ष २०७८/७९ को मुनाफाबाट १८ प्रतिशत बोनस सेयर दिने निर्णय गरेको हो। साथै बोनसमा लाग्ने कर तिर्न ०.९४ प्रतिशत नगद लाभांश पनि दिने भएको छ।
संस्थाले हाल कायम चुक्ता पूँजी २७ करोडरुपैयाँको १८ प्रतिशतले हुन आउने ४ करोड ८६ लाख रुपैयाँ बराबरको बोनस सेयर र ०.९४ प्रतिशतले हुन आउने २५ लाख ५७ हजार ८९४. ७४ रुपैयाँबराबरको नगद लाभांश दिने प्रस्ताव गरेको छ।
प्रस्तावित लाभांश नेपाल राष्ट्र बैंकको स्वीकृति तथा आगामी वार्षिक साधारणसभाले पारित गरेपछि वितरण गरिने संस्थाले जनाएको छ।
प्रतिक्रिया
Facebook Comment