काठमाडौँ। अभिनेता शाहरुख खानको फिल्म ‘पठान’ ले दोस्रो दिन पनि राम्रो कमाई गरेको छ।  फिल्म पठानले दुई दिनमै सय करोडको आँकडा पार गरेको छ।

भारतमा पहिलो दिन ५७ करोडको बम्पर ओपनिङ गरेपछि दोस्रो दिन पनि पठानको राम्रो कमाई भएको छ। ट्रेड एनालिस्ट रमेश बालाका अनुसार पठानको हिन्दी संस्करणले दोस्रो दिन (बिहीबार) ७० करोड कलेक्सन गरेको छ। पठानको कमाईको आंकडा दुई दिनमा १२७ करोड पुगेको छ। दोस्रो दिनको कमाईमा पठानले केजीएफलाई -२ लाई पनि पछि पारेका छन्। केजीएफ २ को हिन्दी संस्करणले दोस्रो दिन ४७ करोड कमाएको थियो।

पठानले दोस्रो दिन ६०–६५ करोडसम्म संकलन गर्ने अनुमान गरिएको थियो। तर यी सबै अपेक्षालाई अगाडि बढाउँदै पठानले आफू नरोकिने भन्ने कुरा प्रमाणित गरिन्। पठानले दिनहुँ इतिहास रचिरहेका छन्। पठानले विश्वव्यापी बक्स अफिसमा २३५ करोड कमाएको रमेश बालाले ट्वीट गरेका छन्।

#Pathaan crosses ₹ 235 Crs Gross at the WW Box office in 2 days..

— Ramesh Bala (@rameshlaus) January 27, 2023

दुई दिनमा पठानको यति दमदार कमाईले फिल्मले बक्स अफिसमा नयाँ रेकर्ड बनाउन लागेको बताउँछ।

#Pathaan out of the world ₹ 70 Crs Nett is expected for Hindi Day 2 in India 🇮🇳

A never before record by a huge distance..

Early estimates..

— Ramesh Bala (@rameshlaus) January 27, 2023

शाहरुख खान पठानसँग ४ वर्षपछि सिल्वर स्क्रिनमा फर्किएका छन्। ग्लैमर, एक्सन, थ्रिल, सस्पेन्स… ती सबै ड्रामा पठानमा छन् जसले यसलाई बक्स अफिसमा हिट हुने ग्यारेन्टी दिन्छ। समग्रमा, शाहरुखको राजतन्त्र एक पटक फेरि बक्स अफिसमा हिट भएको छ। पठानले बलिउडलाई अक्सिजन दिएका छन्। पोस्ट पाण्डेमिक पठान पहिलो बलिउड फिल्म हो जसको कमाईले पुराना सबै रेकर्ड ध्वस्त पारेको छ। पठानले शाहरुखको मात्रै होइन जोन अब्राहम र दीपिका पादुकोणको करियरलाई पनि बढाएका छन्।