काठमाडौं । स्कुल होस् वा कलेज, आजकल जताततै बालबालिकालाई पढाउन प्रविधिको सहयोग लिइएको छ । तर धेरै पटक यसको प्रयोग गर्दा ठूलो गल्ती पनि हुन्छ। विद्यालयका एक शिक्षकसँग पनि त्यस्तै भयो । उनले संयोगवश आफ्ना सबै विद्यार्थीहरूलाई इमेलमा आफ्ना निजी तस्बिरहरू पठाइन् ।

यो घटना अमेरिकाको मेरिल्याण्डको एक विद्यालयको हो । यहाँ शुक्रबार इमेल खोल्नेबित्तिकै विद्यार्थीलाई झट्का लाग्यो । यसमा शिक्षिकाका अश्लील तस्बिरहरू थिए। यस विषयमा जानकारी प्राप्त हुनासाथ विद्यालयका प्रधानाध्यापकले सबै विद्यार्थीलाई पत्र पठाएका छन् ।

प्रिन्सिपलले घटना अनायासै भएको बताए । उनले सबैलाई इमेल डिलिट गर्न र तस्बिरहरू कसैसँग सेयर नगर्न आग्रह गरे। शिक्षकको नाम भने खुलाइएको छैन तर कर्मचारीलाई कडा कारबाही गरिएको प्रिन्सिपल बताउँछन् ।

तर, कस्तो कारबाही भयो भन्ने उनले बताएनन् । उनले पत्रमा लेखेका छन्, ‘एक कर्मचारीले अनजानमा सबै विद्यार्थीलाई यस्तो सन्देश पठाएका छन्, जसमा अश्लील तस्बिर समावेश छ।’

प्रिन्सिपलले धेरै विद्यार्थीले तस्बिर हेरेर अरुलाई पनि शेयर गरेको बताएका छन् तर पनि जिम्मेवार नागरिक भएकोले इमेलमा आएका तस्बिर सामाजिक सञ्जालमा सेयर नगर्न सबैलाई भन्न चाहन्छन् ।

यसका साथै कुनै विद्यार्थीलाई काउन्सिलरको सहयोग चाहिन्छ भने उसले लिन सक्छ । घटनाको जानकारी आएपछि प्रहरीले अनुसन्धान सुरु गरेको छ । शिक्षकलाई कुनै कारबाही नहुने एक अधिकारीले बताए ।