काठमाडौं । एक २९ वर्षीया युवतीले यस्तो अपराध गरेकी छिन्, जसको बारेमा सायदै कसैले सोचेका होलान् । यी महिला बालबालिकाको स्कुल जान्थिन् । यसका लागि उनले कागजपत्र पनि देखाएकी थिइन् । उनी नियमित स्कुल जान्थिन् तर स्कुल आएको चार दिनपछि मात्रै यो कुरा खुल्यो । जसका कारण विद्यालय प्रशासन सहित सबै अचम्ममा परेका छन् ।

यो मुद्दा अमेरिकाको न्यु जर्सीस्थित सार्वजनिक हाई स्कूलसँग सम्बन्धित छ। अभियुक्त महिला कक्षामा जान्थिन्, गाईडन्स अफिसमा समय बिताउने गर्थिन् र धेरै बालबालिकाको फोन नम्बर पनि लिन्थिन् तर यस अवधिमा उनी वास्तवमा २९ वर्षकी हुन् भनेर कसैले पत्ता लगाउन सकेनन् ।

ती महिलाको पहिचान हाइजोङ सिनका रूपमा भएको छ । उनी केटाकेटीलाई लगातार म्यासेज गर्थिन् । प्रहरीले मंगलबार शिनलाई नक्कली कागजात प्रयोग गरेर आफ्नो उमेर ढाऊटेको आरोपमा पक्राउ गरेको थियो । आरोपी १४–१५ वर्षका बालबालिकासँग पढ्दै आएकी थिइन् ।

सामाजिक सञ्जालमा उनको तस्बिर पनि शेयर भइरहेको छ । जसका कारण विद्यालयमा अध्ययनरत बालबालिकाको सुरक्षामा गम्भीर प्रश्न उठेको छ । विद्यालयको सञ्चालक समितिको बैठकको भिडियो पनि ट्विटरमा शेयर गरिएको छ । यद्यपि, न त विद्यालयले न त प्रहरी अधिकारीहरूले अपराधको कारण खुलासा गरेका छन्।

प्रहरी विभागका प्रवक्ताका अनुसार शिनले भर्नाको समयमा नक्कली जन्म प्रमाणपत्र देखाएकी थिइन् । अब शिनलाई विद्यालय प्रवेशमा प्रतिबन्ध लगाइएको छ । साथै, सबै बच्चाहरूलाई उनीसँग सम्पर्क नगर्न भनिएको छ।

यो घटनालाई ती चलचित्रहरूसँग तुलना गरिएको छ, जसमा कलाकारले आफ्नो भेष बदलेर एउटा उद्देश्यका साथ विद्यालयमा भर्ना हुन्छन्। यद्यपि, स्कूलका बालबालिकाहरूले शिनको मनसाय अझ खतरनाक हुनसक्ने चिन्ता व्यक्त गरेका छन्।