टर्कीका भूकम्प प्रभावित क्षेत्रमा तीन महिनाको लागि आपतकाल
काठमाडौं । टर्कीका राष्ट्रपति रेसेप तैयप अर्दोआनले भूकम्पबाट नराम्ररी प्रभावित देशका १० क्षेत्रमा आगामी तीन महिनाका लागि आपतकाल लागू गर्ने घोषणा गरेका छन् ।
अर्दोआनको आधिकारिक ट्विटर ह्यान्डलबाट ट्विट गरिएको विज्ञप्तिमा भनिएको छ कि संविधानको धारा ११९ को प्रयोग गरी हामीले विपदबाट प्रभावित १० प्रान्तमा राहत र उद्धार कार्यलाई तीव्रता दिन आपतकाल लागू गर्ने निर्णय गरेका छौं।
“We have decided to declare state of emergency in order for search and rescue operations to be carried out rapidly” https://t.co/iM0HFtkuFr pic.twitter.com/UV5NMCujr1
— Presidency of the Republic of Türkiye (@trpresidency) February 7, 2023
अर्दोआनले टर्कीमा मात्रै मृत्यु हुनेको संख्या ३ हजार ५४९ पुगेको बताएका छन् । उनले विश्वका ७० देशबाट सहयोगको प्रस्ताव आएको पुष्टि गरेका छन् ।
राष्ट्रपति अर्दोआनले टर्कीको पाँचौं ठूलो सहर अन्टाल्याका होटलहरूमा भूकम्पबाट घरबारविहीन भएका मानिसहरूलाई राख्ने योजना पनि घोषणा गरेका छन्।
Facebook Comment