काठमाडौं । प्रधानमन्त्री थ्री नेसन्स कप फुटबल प्रतियोगिता अन्तर्गत पहिलो खेलमा आज नेपालले लाओससँग खेल्दैछ । दशरथ रंगशालामा साँझ ६ बजे सुरु हुने खेलमा दुवै टोलीको सुरुवाती ११ सार्वजनिक भएको छ ।

प्रशिक्षक भिंसेंजो अल्बर्टो एनेसेले सुरुवाती ११ मा अनुभवी खेलाडी भरत खवासलाई पनि समावेश गरेका छन् । खवासले नवयुग श्रेष्ठसँग अग्रपंक्तिमा खेल्नेछन् । अर्का फरवार्ड अन्जन बिष्ट भने चोटका कारण बाहिर रहेका छन् ।

नेपाल र लाओस ७ वर्षपछि आमानेसामने हुन लागेका हुन्। सन् २०१६ मा भएको सोलिडारिटी कपमा यी दुई टोली पहिलो पटक खेलेका थिए।

नेपाली टीम :

किरण चेम्जोङ, बिकास खवास, अनन्त तामाङ, नविन लामा, एरिक विष्ट, पुजन उपरकोटी, भरत खवास, नवयुग श्रेष्ठ, आयुष घलान, सनिश श्रेष्ठ, रोहित चन्द