काठमाडौँ। नेपाल स्टक एक्सचेञ्ज (नेप्से)मा तीन कम्पनीको सेयर भाउमा सकारात्मक सर्किट लागेको छ।

बुधबारको कारोबारमा आदर्श लघुवित्त वित्तीय संस्था, खप्तर्ड लघुवित्त वित्तीय संस्था र कलिञ्चोक दर्शनको सेयर भाउमा सकारात्मक सर्किट लागेको हो। यी तीन वटै कम्पनीको सेयर भाउ १० प्रतिशतले बढेर सर्किट लागेको हो।

आदर्श लघुवित्तको सेयर भाउ १ सय ७ रुपैयाँ ५० पैसाले बढेर १ हजार १ सय ८२ रुपैयाँ ५० पैसा र खप्तर्ड लघुवित्तको सेयर भाउ ८२ रुपैयाँले बढेर  ९ सय ०२ रुपैयाँ ३० पैसा पुगेको छ।

यस्तै, कलिञ्चोक दर्शनको सेयर भाउ ४१ रुपैयाँ ४० पैसाले बढेर ४ सय ५६ रुपैयाँ २० पैसा पुगेको छ। मार्केड डेप्थमा हेर्दा कम्पनीको सेयर बिक्री भन्दा खरिद माग अधिक रहेको छ।