काठमाडौं । डायबिटीज र ब्लड प्रेशरका विरामीले आफ्नो खानपानमा धेरै कुरालाई छोड्नु पर्ने हुन्छ । त्यो मध्ये एक चिया पनि हो । चियाको चुस्कीको मिठास मुखमा हुँदा हुँदै पनि यी खाने कुरालाई खान हुँदैन। आज हामी विशेष गरि डायबिटीज र ब्लड प्रेशरका विरामीलाई विशेष चियाका बारेमा बताउँनेछौं । डायबिटीज र ब्लड प्रेशरका विरामीले पिउन हुने मेथीको चियाका बारेमा बताउँने छौं ।

आयुर्वेदमा मेथीको औषधीय गुणहरुका बारेमा धेरै नै वर्णन गरिएको पाइन्छ। अहिले आएर आयुर्वेदका कुरालाई विज्ञानले पनि प्रमाणित गरिसकेको छ । मेथीले डायबिटीज र ब्लड प्रेसरलाई नियन्त्रण गर्न सक्ने धेरै अनुसन्धानले प्रमाणित गरेको छ ।

बिहान सबेरै मेथीको चिया पिउने हो भने दिनभर रगतमा चिनी बढ्दैन र उच्च रक्तचाप पनि नियन्त्रणमा रहन्छ। एक रिपोर्टका अनुसार मेथीको चिया नयाँ आमाहरुका लागि पनि धेरै लाभदायक हुने गर्दछ। किनभने यसले दूध उत्पादन बढाउन सक्छ। यस बाहेक महिनावारीको दुखाइ कम गर्न मेथी निकै लाभदायक हुन्छ । यसले शरीरमा कार्बोहाइड्रेटको अवशोषणको प्रक्रियालाई सुस्त बनाउँछ।

मेथीमा म्याग्नेसियम, फस्फोरस, क्याल्सियम, फोलेट र भिटामिन ए जस्ता तत्व पाइन्छ। अध्ययनका अनुसार मेथीमा पोटासियमको मात्रा बढी हुने भएकाले यसले रक्तचाप नियन्त्रण गर्छ । मेथीको चिया पिउँदा उच्च रक्तचाप कम हुन्छ । मेथीले मुटुसँग सम्बन्धित समस्यालाई पनि कम गर्छ । मेथीको सेवनले स्ट्रोकको जोखिम कम गर्छ ।

अध्ययनका अनुसार मेथीले इन्सुलिनको स्तरलाई नियन्त्रण गर्छ । अर्थात्, यसले लिपिड मेटाबोलिज्मलाई सन्तुलनमा राख्छ। टाइप९२ मधुमेह अनियन्त्रित लिपिड मेटाबोलिज्मको कारणले हुन्छ। मेथीको अर्कले शरीरमा कार्बोहाइड्रेट र चिनीको अवशोषणलाई नियन्त्रण गर्छ। त्यसैले बिहान मेथीको चिया पिउँदा रगतमा चिनीको मात्रा दिनभर नियन्त्रणमा रहन्छ ।

मेथीको दानामा स्तनपान बढाउने क्षमता हुन्छ। मेथीले गर्भवती महिलामा दूध उत्पादन बढाउन सक्छ भन्ने चारवटा अध्ययनमा प्रमाणित भएको छ । रजोनिवृत्ति पछि महिलाहरु लाई सामना गर्ने हार्मोनल समस्याहरु लाई कम गर्न मेथी धेरै लाभदायक छ भन्ने एक अध्ययन मा प्रमाणित भएको छ। मेथी चिया पिउनाले ९० दिन भित्र तातो झर्कोबाट छुटकारा पाउन सकिन्छ ।

मेथीको चिया पेट सम्बन्धी रोग निको पार्ने औषधि हो । मेथीको सेवनले पेट फुल्ने, ग्यास, एसिडिटी र कब्जियत जस्ता समस्याबाट पनि छुटकारा पाउन सकिन्छ । मेथीले मेटाबोलिज्मलाई बढाउँछ, त्यसैले यसको सेवनले पाचन प्रणालीलाई पनि बढाउँछ।

मेथीको चिया बनाउन मेथीको दानालाई रातभर भिजाउन छोड्नुहोस्। त्यसपछि यी दानाहरूलाई राम्रोसँग पीस्नुहोस्। यसपछि यो पानीलाई तुलसीको पातले उमालेर छान्नुहोस् । यदि तपाईलाई मिठो मन पर्छ भने त्यसमा थोरै मह मिसाएर पिउनुहोस् । मेथीको चिया स्वादमा पनि स्वादिलो ​​हुनुका साथै स्वास्थ्यका लागि पनि फाइदाजनक हुन्छ ।