काठमाडौं । पेटको ग्यासले प्रायः सबैलाई सताउँछ। कतिपयलाई अरूको तुलनामा यसले बढी सताउँछ। धेरै ग्यासले कहिलेकाहीँ असुविधा वा दुखाइ पनि निम्त्याउन सक्छ। आहारमा सानो परिवर्तन गर्नाले पाचनमा मद्दत गर्न सक्छ र ग्यासबाट राहत दिन्छ।

ग्यासबाट राहत पाउनुका साथै भान्साकोठामा पाइने केही प्राकृतिक चीजहरूलाई पनि ग्यास रिलिभरको रूपमा प्रयोग गर्न सकिन्छ। पोषणविद्ले केही जडिबुटी र मसलाहरूको सूची तयार गरेका छन्। जसले हाम्रो पेटको स्वास्थ्य सुधार गर्न मद्दत गर्दछ। यहाँ उनीहरुले उल्लेख गरेका केही खानेकुराहरू छन् जुन तपाईंले आफ्नो पेट र पाचनलाई स्वस्थ राख्न आफ्नो आहारमा समावेश गर्न सक्नुहुन्छ

यी कुराले पेट फुल्ने समस्याको गर्छ समधान:

ज्वानो– एक चिया चम्चा ज्वानोमा ७६ मिलिग्राम क्याल्सियम पाइन्छ । ज्वानोमा पाइने पाइनेन, लिमोनिन र कार्भोन जस्ता तत्वहरूको प्रचुर मात्राले पेट फूल्ने समस्याका लागि प्रभावकारी रूपमा उपचार गर्न मद्दत गर्दछ।

सौंफको बीउ– फनेलमा एनेथोल, फेन्कोन र एस्ट्रागोल हुन्छ जसले एन्टिस्पास्मोडिक र एन्टी–इन्फ्लेमेटरीको रूपमा काम गर्दछ जसले पेटका मांसपेशीहरूलाई आराम दिन मद्दत गर्दछ।

जीरा– जीराको दाना एन्टी–ब्लोटिंग गुणहरूले भरिएका हुन्छन् जसले ग्यास र पेटको दुखाइबाट छिटो राहत दिन्छ। छोकडा, मरिच, सिदेनूनको, मुनक्का दाख र जीरा बराबर पिनेर कागति हालेर लेदो अचार बनाउने र सिसीमा राख्ने र बिहानरबेलुका खाना खानु अगाडि ११ चम्चा चाटेर मात्र खाना खाने गरेमा केही दिनमै अजीर्ण, बान्ता हुने, दीसा लाग्ने जस्ता रोग ठीक हुन्छ र बिस्तारै खाना पनि रुच्दै जान्छ ।

अदुवा– अदुवामा जिंजरोल नामक यौगिक हुन्छ जसले पेट खाली गर्नको लागि र पेट फुल्ने र ग्यास कम गर्न मद्दत गर्दछ।

पुदीना पातहरू– पुदिना औषधीय गुणले भरिपूर्ण हुन्छ । यसमा एनाल्जेसिक, स्पास्मोलाइटिक र ग्यास्ट्रोप्रोटेक्टिभ गुणहरू पनि छन् जसले ब्लोटिंग, अपच र अन्य आन्द्रा समस्याहरू कम गर्न मद्दत गर्दछ।