सान पेड्रो हुआमेलुला। दक्षिणी मेक्सिकोको एउटा सानो सहरका मेयर गोही बोकेर कार्यक्रम स्थलमा प्रवेश गर्दा मानिसहरू ताली बजाइरहेका थिए र नाचिरहेका थिए।

यो पोथी गोहीलाई दुलही जस्तै तयार पारिएको थियो। त्यसपछि हलमा उपस्थित हजारौं नागरिकको उपस्थितिमा मेयरले दुलही झै सजिएकी गोहीसँग विवाह गरे।

मेक्सिकोको टेहुआन्टेपेक इस्थमसको आदिवासी चोन्टल मानिसहरूको सहर सान पेड्रो हुआमेलुलाका मेयर भिक्टर ह्युगो सोसाले एलिसिया एड्रियाना नामको एक एलिगेटरलाई आफ्नी पत्नीको रूपमा स्वीकार गरे, त्याे पनि एक पैतृक तथा धार्मिक अनुष्ठान पूरा गरेर। यो मेक्सिको र मध्य अमेरिकामा पाइने गोहीजस्तो दलदलमा बस्ने प्राणी क्यामन हो, जसलाइ मेयरले बिबाह गरेका थिए।

‘म जिम्मेवारी स्वीकार गर्छु किनकि हामी एकअर्कालाई माया गर्छौं। यो महत्त्वपूर्ण छ। तपाईं प्रेम बिना विवाह गर्न सक्नुहुन्छ। म ‘राजकुमारी केटी’सँग विवाह गर्न तयार छु,’ सोसाले विवाह समारोहमा भने।

यहाँ विगत २३० वर्षदेखि पुरुष र मदा क्यामनबीच विवाह हुँदै आएको छ। यो प्रथा शान्ति स्थापना गर्न दुई आदिवासी समूहले विवाह गरे पछि सुरु भएको मानिन्छ।

बिहे गर्नुअघि गोहीलाई घरमा ल्याइन्छ ताकि त्यहाँका बासिन्दाहरूले काखमा लिएर नाच्न सकून्। गोहीले हरियो स्कर्ट, रंगीन हात कढ़ाई गरिएको ट्युनिक र रिबन र सेक्विनले बनेको हेड ड्रेस लगाइन्छ।

कुनै पनि दुर्घटना हुन नदिन विवाह अघि जीवको मुख बन्द गरिन्छ। पछि, उनलाई सेतो दुलहीको पोशाकमा लगाइन्छ र समारोहको लागि टाउन हलमा लगिन्छ।

मेक्सिकोमा वातावरण र जनावरहरूसँग मानव सम्बन्धलाई मजबुत बनाउन यस्ता विवाहहरू आयोजना गरिन्छ। यस प्रकारको विवाह यहाँ सामान्य छ। यसो गर्नाले भगवानले आफ्नो सबै मनोकामना पूरा गर्ने विश्वास मानिसहरुको छ।