चितवन। चितवनको टिकौली जंगलमा अक्सफोर्ड कलेजको बसले शव बोकेको गाडी, केहि मोटरसाइकल र स्कुटरलाई ठक्कर दिँदा २० जना घाइते भएका छन् ।

घाइते मध्ये सात जनाको अवस्था गम्भीर रहेको जिल्ला प्रहरी कार्यालय चितवनले जनाएको छ । भरतपुर – ९ टिकौली जङ्गलमा भरतपुरबाट टाँडी तर्फ जादै गरेको ना १ क ६१३१ नं.को अक्सफोड कलेजको बसले बिपरित दिशाबाट आउदै गरेको ना २ च ८४४६ नं.को शव बोकी देवघाट तर्फ जादै गरेको बलेरोलाई ठक्कर दिएको थियो ।

सो क्रममा चार वटा मोटरसाइकल र तीनवटा स्कुटर एक आपसमा ठक्कर खाएको थियो । दुर्घटनापछि घाइतेलाई भरतको बिभिन्न अस्पतालमा उपचारका लागि लगिएको थियो भने बसका चालकलाई प्रहरीले नियन्त्रणमा लिएको जिल्ला प्रहरी कार्यालय चितवनका प्रमुख एसपी रामेश्वर कार्कीले जानकारी दिए।

हेनुहोस् भिडियो