काठमाडौं । विश्वकप २०२३ को सेमिफाइनलमा न्युजिल्यान्डविरुद्धको खेलमा ७ विकेट लिएर मोहम्मद शामीले आफ्नो नाममा ठूलो कीर्तिमान बनाएका छन् । उनले विश्वकपको इतिहासमा भारतीय बलरबाट अहिलेसम्मकै उत्कृष्ट विकेट लिने कीर्तिमान आफ्नो नाममा दर्ता गरेका छन् ।

मोहम्मद शामीको उत्कृष्ट बलिङबाट भारतलाई पनि फाइदा भयो र भारतले फाइनलमा आफ्नो स्थान पक्का गर्‍यो। यो खेलपछि मोहम्मद शामी लगातार चर्चामा छन् । एकतर्फ सबैको नजर उनीमाथि छ भने अर्कोतर्फ उनीबाट अलग भइसकेकी हसीन जहाँले उनीमाथि लगातार कमेन्ट गरिरहेकी छिन् ।

सेमिफाइनलपछि हसीन जहाँले आफ्नी छोरीसँगको एउटा भिडियो सेयर गरिन् र इशारामार्फत स्टार खेलाडीलाई निशाना बनाएकी थिइन् । क्रिकेट मैदानमा शमीको सफलताको बीचमा अभिनेत्री पायल घोषले पनि मोहम्मद शमीलाई विवाहको प्रस्ताव राखेकी छिन् जसमा हसीन जहाँले पनि प्रतिक्रिया दिएकी छिन् ।

वास्तवमा सेमिफाइनलपछि पायल घोषले आफू मोहम्मद शमीसँग विवाह गर्न चाहेको बताएकी थिइन् । पायल घोषले मोहम्मद शमीलाई इन्स्टाग्राममा प्रपोज गरेकी थिइन् । उनले आफ्नो पोस्टमा लेखेकी थिइन्- ‘शमी, कृपया आफ्नो अंग्रेजी सुधार गर, म तिमीसँग विवाह गर्न तयार छु।’ अब पायलको यो प्रस्तावमा हसीन जहाँले पनि प्रतिक्रिया दिएकी छिन् ।

मोहम्मद शमीसँग पायल घोषको विवाहको प्रस्तावमा हसीन जहाँले भनिन्– ‘प्रसिद्ध व्यक्तित्वसँग यस्ता कुरा भइरहन्छन् । यो धेरै सामान्य कुरा हो। म यसमा टिप्पणी गर्न चाहन्न।’ यसअघि हसीन जहाँले मोहम्मद शमीलाई आफ्नो जीवनमा करोडपति अभिनेत्री चाहेको आरोप लगाएकी थिइन् । यही कारणले उनले आफूलाई दुर्व्यवहार गरेको र यस अवधिमा उनले छोरीको बारेमा पनि नसोचेको उनले आरोप लगाइन् ।

अर्को बयानमा हसीन जहाँले भनिन्, ‘यदि उनी खेलाडी जत्तिकै असल व्यक्ति हुन् भने मेरो छोरी र म उनीसँग खुसीको जीवन बिताउन सक्थ्यौँ । सम्मानको कुरा हुन्थ्यो । यदि उनी राम्रो खेलाडी मात्र नभएर असल पति र बुबा पनि हुन्थे भने।’