काठमाडौं । बंगलादेशको आम चुनावमा अवामी लिगकी अध्यक्ष शेख हसिनाको लगातार चौथो जितपछि अमेरिकाले बंगलादेशको चुनाव ‘स्वतन्त्र वा निष्पक्ष’ नभएको बताएको छ। अमेरिकाले चुनावका क्रममा भएको हिंसाको निन्दा गरेको छ ।

अमेरिकाले यस निर्वाचनमा विपक्षीले भाग नलिनु र विपक्षी नेताहरुको गिरफ्तारीप्रति चिन्ता व्यक्त गरेको छ ।

अमेरिकी विदेश विभागका प्रवक्ता म्याथ्यु मिलरले सोमबार भने, “यो निर्वाचन स्वतन्त्र वा निष्पक्ष नभएकोमा संयुक्त राज्य अमेरिकाले यस निर्वाचनका अन्य पर्यवेक्षकहरूको धारणा साझा गर्दछ। यसमा सबै दलहरूले भाग लिएनन् भन्नेमा हामीलाई दुख छ।”

म्याथ्यु मिलरले एक विज्ञप्तिमा भनेका छन्, “संयुक्त राज्य अमेरिका चुनावको क्रममा र पछिल्ला केही महिनाहरूमा भएको हिंसाको निन्दा गर्दछ। हामी बंगलादेश सरकारलाई हिंसाको रिपोर्टको विश्वसनीय रूपमा अनुसन्धान गर्न र दोषीहरूलाई न्यायको कठघरामा ल्याउन प्रोत्साहित गर्दछौं।”

यद्यपि, अमेरिकाले यो पनि भन्यो – “स्वतन्त्र र खुला इन्डो-प्यासिफिकको लागि हाम्रो साझा दृष्टिकोणलाई अगाडि बढाउन” अमेरिका बंगलादेशसँग काम गर्न जारी राख्न चाहन्छ।’

परराष्ट्र मन्त्रालयले बंगलादेशमा मानवअधिकार र नागरिक समाजलाई सहयोग गर्न र दुई देशबीचको जन–जनताबीचको सम्बन्धलाई थप सुदृढ गर्न काम गर्न तत्पर रहेको बताएको छ ।