वार्म-अप खेलमा आज नेपाल र क्यानडा खेल्दै
![वार्म-अप खेलमा आज नेपाल र क्यानडा खेल्दै](https://www.dcnepal.com/wp-content/uploads/2024/05/can_1.jpg-20.jpg)
काठमाडौं। आइसीसी टी-२० विश्व कप अघिका वार्म अप खेल आजदेखि शुरु हुँदै छन्। आज नेपालले वार्म अप खेलमा क्यानडाको सामना गर्दै छ।
अमेरिकाको डल्लासस्थित क्रिकेट मैदानमा हुने यो खेल नेपाली समय अनुसार राति ९: १५ बजेदेखि शुरु हुँदै छ।
नेपाल र क्यानडावीच अहिलेसम्म एक मात्र टी-२० अन्तर्राष्ट्रिय खेल भएको छ। २०२२ को फेब्रुअरी २१ मा भएको सो खेल नेपालले जितेको थियो।
आइसीसीको टी-२० वरियतामा नेपाल १७औं स्थानमा छ भने क्यानडा २३औं स्थानमा रहेको छ। नेपालले यो खेलपछि मे ३० मा डलासमै अमेरिकाविरुद्ध खेल्ने तालिका रहेको छ।
प्रतिक्रिया
Facebook Comment