काठमाडौं । पछिल्लो समयमा नेपाली संगीत क्षेत्र निकै फराकिलो बन्दै गएको छ। यही फराकिलो सांगीतिक बजारमा प्रेमिल जोडीको प्रेम झल्किएको सुमधुर गीत च्वाँके बालेर सार्वजनिक भएको छ।

अस्मिता अधिकारी र शिवसागर खड्काको आवाजमा रहेको गीत समीप इन्टरटेन्मेन्ट युट्युबद्वारा सार्वजनिक गरिएको हो। गीतमा शब्द/संगीत बाबुल गिरीको छ।

सिक्लेश गाउँमा छायांकन गरिएको म्युजिक भिडियोमा विवेक कार्की र अम्बिका तामाङको अभिनय छ।

गीतको भिडियोग्राफीमा विशाल थापा, सम्पादनमा नकुल खड्का, ड्रोनमा राकेश गुरुङ, प्रोडक्सनमा विक्रम तामाङ, मेकअपमा सिर्स्टी थापा, सहायक निर्देशकमा सुनिल बुडाथोकी रहेका छन्।