काठमाडौं । बंगलादेशमा एक आठ वर्षीया बालिका बलात्कृत भएकी थिइन्, बिहीबार उनको मृत्यु भयो। बालिकाको मृत्युपछि देशभर हिंसात्मक विरोध प्रदर्शन सुरु भएको छ।

बालिकाकी आमाले दिएको उजुरी अनुसार, मार्च ५ को राति मागुरा शहरमा आफ्नी दिदीको घरमा गएकी बालिकामाथि बलात्कार भएको थियो।

प्रहरीले मुद्दा दर्ता गरी बालिकाकी दिदीको श्रीमान, ससुरा, सासू र देवरलाई पक्राउ गरी हिरासतमा राखेको छ।

बिहीबार राति, बालिकाको मृत्युको खबर सुनेपछि, आक्रोशित भीड घटना भएको भनिएको स्थानमा पुगेको थियो। भीडले त्यो घरमा आगो लगाइदियो।

ती बालिकालाई मार्च ८ मा अस्पताल भर्ना गरिएको थियो र राजधानी ढाकाको संयुक्त सैन्य अस्पतालमा छ दिनसम्म गम्भीर अवस्थामा बिताइन्।