काठमाडौं । अष्ट्रेलियाका प्रधानमन्त्री एन्थोनी अल्बानीजले शुक्रबार देशमा मे ३ मा संघीय चुनाव हुने घोषणा गरेका छन्। एन्थोनी अल्बानीजको लेबर पार्टीसँग हाल झिनो बहुमत छ।

उक्त जनमत सर्वेक्षणले अस्ट्रेलियाका दुई प्रमुख राजनीतिक दलहरू – लेबर पार्टी र लिबरल पार्टी बीच कडा प्रतिस्पर्धा हुने भविष्यवाणी गरेको छ। यस्तो अवस्थामा दुवै प्रमुख राजनीतिक दलहरूले स्वतन्त्र सांसदहरू वा अन्य साना दलहरूमा भर पर्नु पर्ने सम्भावना छ।

२०२२ सालमा भएको चुनावमा साना दल र स्वतन्त्र उम्मेदवारहरूले कीर्तिमानी मत प्राप्त गरेका थिए । चुनावी अभियानमा जीवनयापनको लागतसँग सम्बन्धित मुद्दाहरू हावी हुने सम्भावना छ।

पत्रकार सम्मेलनमा अल्बानीजले जीवनयापनको लागतलाई सम्बोधन गर्ने आफ्नो वाचा दोहोर्‍याए।

उनले पहिले नै थप नि:शुल्क स्वास्थ्य सेवा प्रदान गर्ने, विद्यार्थी ऋण घटाउने र सानो कर कटौती लागू गर्ने योजना घोषणा गरिसकेका छन्।

अल्बानीजले आफ्ना प्रतिद्वन्द्वी पिटर डटनलाई निर्वाचित गर्नु देशको लागि एक कदम पछाडि हट्नु हुने बताए।