रौतहट । खेतमा आउने जंगली बँदेल मार्न थापेको विद्युतीय धरापमा परेर रौतहटमा एक महिलाको ज्यान गएको छ।

वृन्दावन नगरपालिका-१ बलेरी खोरमा महिलाको विद्युतीय धरापमा परेर ज्यान गएको हो।

स्थानीय सुशील विश्वकर्माको मकै खेतमा जंगली बँदेल मार्नका लागी नाँगो तार तानेर करेन्ट प्रवाह गरी छोडेको अवस्थामा ४५ वर्षीया फुलमतिया देवीको करेन्ट लागेर मृत्यु भएको प्रहरीले जनाएको छ।

बँदेल मार्न थापेको धरापमा महिला मृत अवश्थामा भेटेपछि सुशिल विश्वकर्मा र जितेन्द्र पटेलले महिलाको शवलाई घटनास्थलबाट ४ किलोमिटर उतर तर्फको रामलाल साझेदारी वनमा खाल्डो खनेर लास गाडेका थिए। प्रहरीले उनीहरूलाई नियन्त्रणमा लिएर अनुसन्धान थालेको जनाएको छ।