काठमाडौं । अमेरिकाले एच-१ बी भिसाको लागि आवेदन शुल्क बढाएको विवादको बीचमा चीनले विज्ञान, प्रविधि, इन्जिनियरिङ र गणित क्षेत्रका युवा पेशेवरहरूका लक्षित गर्दै नयाँ के भिसा कार्यक्रम ल्याएको छ।

चीनले भिसा नियमहरू कडाइ गरिरहेका देशहरूले रिक्त बनाएका ठाउँहरू आफूले भर्ने लक्ष्य राखेको छ। चीनले अगस्टमा यो निर्णयलाई अनुमोदन गरेको थियो र नयाँ नियमहरू अक्टोबर १, २०२५ देखि लागू हुनेछन्।

यसले भिसा धारकहरूका लागि थप प्रवेश, लामो वैधता र लामो बसाइ सुविधा प्रदान गर्नेछ।

चीनले हालै ७४ देशका नागरिकहरूलाई ३० दिने भिसा-मुक्त प्रवेश प्रदान गरेको छ। यो कदम पर्यटन, अर्थतन्त्र र देशको सफ्ट पावरलाई बढावा दिने उद्देश्यले गरिएको हो। एच-१ बी भिसामा अमेरिकी कदमपछि चीनले यस क्षेत्रमा अवसरहरू खोजिरहेको विज्ञहरू विश्वास गर्छन्।