काठमाडौं । अष्ट्रेलियाली क्रिकेट टोलीका अलराउन्डर ग्लेन म्याक्सवेलले इन्डियन प्रिमियर लिग (आईपीएल) को लागि डिसेम्बर १६ मा अबुधाबीमा हुने लिलामीबाट आफ्नो नाम फिर्ता लिएका छन्।

उनले सामाजिक सञ्जाल इन्स्टाग्राममा एक पोस्ट गर्दै यो जानकारी दिएका हुन्।

म्याक्सवेलले लेखे , “धेरै यादगार आईपीएल सिजन पछि, मैले यस वर्ष लिलामीमा मेरो नाम नराख्ने निर्णय गरेको छु। यो ठूलो निर्णय हो।”

३७ वर्षीय म्याक्सवेलले २०१२ देखि २०१९ बाहेक सबै आईपीएल सिजन खेलेका छन्।

उनले १४१ खेलमा केवल २,८१९ रन बनाएका छन्। उनको स्ट्राइक रेट १५५ भन्दा बढी छ, तर उनको औसत २४ भन्दा कम छ।

उनले आफ्नो बलिङबाट ४१ विकेट पनि लिए, तर उनको इकोनोमी रेट ८.३० थियो।