काठमाडौं । इरानका सर्वोच्च नेता मोज्तबा खामेनीले हजारौं किलोमिटर टाढा बसेर लोभको आधारमा अराजकता फैलाउने विदेशीहरूका लागि फारसी खाडीको गहिराइ बाहेक अरू कुनै ठाउँ नभएको बताएका छन्।

उनले फारसी खाडी दिवसको अवसरमा एक विज्ञप्ति जारी गरे। इरानको आधिकारिक समाचार एजेन्सी, इरनाले उनको भनाइ रिपोर्ट गरेको छ।

विज्ञप्तिमा इरानी नेताले भने , “इरानले फारसी खाडी र होर्मुज जलडमरूको लागि नयाँ अध्याय खोल्नेछ।”

इरानका सर्वोच्च नेताले थप भने, “फारसी खाडीको भविष्य अमेरिकाबाट मुक्त हुनेछ।”

मोज्तबा खामेनीले भने – यस क्षेत्रको उज्ज्वल भविष्यमा “कुनै अमेरिकी हस्तक्षेप” हुनेछैन र होर्मुजको जलडमरूमा “नयाँ व्यवस्था” ले सबै देशहरूलाई फाइदा पुर्‍याउनेछ।

उनको दाबी छ – फारसी खाडीमा असुरक्षाको मुख्य कारण त्यहाँ अमेरिकाको उपस्थिति हो।