काठमाडौं । टोखा नगरपालिका-१ अन्तर्गत शिवपुरी राष्ट्रिय निकुञ्जभित्रको जंगल क्षेत्रमा एक महिलाको शव गाडिएको अवस्थामा फेला परेको छ।

गत वैशाख ११ गतेदेखि सम्पर्कविहीन भएकी तारकेश्वर नगरपालिका-३, तीनपिप्लेकी ४५ वर्षीया सरिता तिवारीको हत्या भएको पुष्टि भएको जिल्ला प्रहरी परिसर काठमाडौंले जनाएको छ।

उनी बजार जान्छु भन्दै घरबाट निस्किएपछि साँझसम्म घर नफर्केपछि परिवारले भोलिपल्ट प्रहरीमा जानकारी गराएको थियो। त्यसक्रममा उनको शव गाडिएको अवस्थामा फेला परेको हो।