मेष : दिन सामान्य छ। यात्राका क्रममा सञ्चित धन खर्च हुने जोखिम रहेकाले सावधानी अपनाउनुहोला। आज आम्दानीको तुलनामा खर्चको मात्रा बढ्ने देखिन्छ। धार्मिक कार्यमा सहभागी भई दिनको सुरुवात गरेमा तपाईंको प्रगति र कल्याण हुनेछ।

वृष : आजको दिन निकै राम्रो छ। राजनीतिक क्षेत्रमा लाग्नुभएकाहरूका लागि प्रगतिको समय छ। व्यापार र शिक्षा क्षेत्रमा गरिएको लगानीबाट राम्रो नाफा तथा फाइदा हुने योग छ। प्रेम सम्बन्ध सुमधुर बन्नेछ भने तपाईंको श्रमको उचित मूल्य मिल्नेछ।

मिथुन : आज साना कामबाट पनि मनमा नयाँ उत्साह थपिनेछ। तर, स्वास्थ्यमा केही समस्या देखिन सक्ने भएकाले खानपानमा विशेष सचेत बन्नुपर्ने समय छ। परिवारसँगको सम्बन्ध सुमधुर रहनेछ भने शिक्षाको क्षेत्रमा अलि बढी मिहिनेत गर्नुपर्ने देखिन्छ।

कर्कट : आज तपाईंको दिन राम्रो छ। आम्दानीको स्रोत बलियो बन्नाले आर्थिक पक्ष सबल हुनेछ। संकटको समयमा साथीभाइको राम्रो साथ मिल्नेछ। आफ्ना योजनाहरू सार्वजनिक नगरी, गोपनीयता सुरक्षित राखेर काम गर्दा बढी सफलता र उत्साह मिल्नेछ।

सिंह : दिन सामान्य रहनेछ। आज सञ्चित गरिराखेको धन खर्च हुन सक्ने भएकाले सजग रहनुहोला। केही अप्ठेरो परिस्थितिको सामना गर्नुपर्ने हुनसक्छ। आज राजनीतिबाट टाढै रहनु उचित हुनेछ। शिक्षाको क्षेत्रमा गरेको श्रमको उचित मूल्य भने प्राप्त हुनेछ।

कन्या : तपाईंका लागि आजको दिन शुभ छ। विशेषगरी कृषि क्षेत्रको व्यापार व्यवसायबाट राम्रो फाइदा मिल्नेछ। स्वदेशमै आम्दानीका नयाँ स्रोतहरू पत्ता लाग्ने देखिन्छ। परिवारभित्र तपाईंको काम र व्यवहारको प्रशंसा हुनेछ।

तुला : आफ्नो प्रतिभा प्रदर्शन गर्ने उत्कृष्ट अवसर प्राप्त हुनेछ। बौद्धिक व्यक्तिहरूसँगको भेटघाटले मन शान्त र प्रसन्न बन्नेछ। राजनीतिक क्षेत्रमा सेवा गर्ने अवसर मिल्न सक्छ। शिक्षाको क्षेत्रमा भने थप मिहिनेतको आवश्यकता देखिन्छ।

वृश्चिक : आज निकै शुभ दिन छ। मन प्रसन्न रहनेछ र गरिएका कामहरूबाट पूर्ण सन्तुष्टि मिल्नेछ। श्रमको उचित प्रतिफल प्राप्त हुने योग छ। शिक्षाको क्षेत्रमा गरिएको लगानीबाट फाइदा हुनुका साथै थप मिहिनेत गरेमा ठुलो उपलब्धि हात लाग्नेछ।

धनु : दिन सामान्य छ। खानपानमा विशेष ख्याल नगर्दा स्वास्थ्यसम्बन्धी समस्याले सताउन सक्छ। सम्पत्तिको मात्र पछि लाग्दा सहकर्मीहरू टाढिन सक्छन्। शिक्षाको क्षेत्रमा देखिएको अल्छीपनले घाटा पुर्‍याउन सक्छ, यद्यपि श्रमको मूल्य भने प्राप्त हुनेछ।

मकर : आजको दिन निकै राम्रो छ। तपाईंको राशिमा शुभ ग्रहको बहुमत रहेकाले आम्दानीका दृष्टिले दिन फलदायी रहनेछ। प्रेम सम्बन्ध सुमधुर बन्ने देखिन्छ। श्रमको उचित मूल्य प्राप्त हुनेछ भने मिहिनेतको फल निकै मीठो साबित हुनेछ।

कुम्भ : समाजमा मानसम्मान बढ्नेछ। संकटको घडीमा तपाईंको सुझबुझपूर्ण निर्णयका कारण विपक्षीहरूले समेत साथ दिनेछन्। परिवार र प्रेम सम्बन्ध सुमधुर बन्नेछ। आज कम बोल्नु र आफ्नो काममा केन्द्रित हुनु उपयुक्त हुनेछ। कामको सही मूल्याङ्कन हुँदा मनमा उत्साह बढ्नेछ।

मीन : आजको दिन राम्रो छ। बौद्धिक र प्राज्ञिक व्यक्तिहरूसँग भेटघाट हुनेछ। धार्मिक एवं आध्यात्मिक क्षेत्रतर्फ मन आकर्षित हुनेछ। परिवारको साथ र सहयोग मिल्नेछ भने प्रेम सम्बन्ध सुमधुर बन्ने योग छ। शिक्षामा मिहिनेत गरे अनुसार राम्रो प्रगतिफल प्राप्त हुनेछ।