मेष

आलस्य बढ्नुका साथै कुनै अप्रिय खबरले मन खिन्न हुन सक्छ। पठनपाठनमा विशेष ध्यान दिनुपर्ने आवश्यकता छ। यद्यपि, व्यापारको लगानीबाट राम्रो फाइदा हुनेछ भने प्रेम सम्बन्ध सुमधुर बन्नेछ।

वृष

दिन अनुकूल रहनेछ। आम्दानीका नयाँ स्रोतहरू पहिल्याउन सकिनेछ र स्वास्थ्यमा सुधार आउनेछ। पठनपाठनमा मन जानेछ भने परिवारसँग रमाइलो जमघट हुनेछ। तर सम्पत्तिको पछि लाग्दा साथीभाइ भने टाढिन सक्छन्।

मिथुन

सञ्चित धन खर्च हुनुका साथै केही अप्ठेरो परिस्थितिको सामना गर्नुपर्ने हुन सक्छ। राजनीति र लामो दूरीको यात्राबाट टाढा रहनु नै उचित हुनेछ। शिक्षा क्षेत्रको प्रतिफलका लागि धैर्य गर्नुपरे पनि व्यापारको लगानीबाट भने लाभ मिल्नेछ।

कर्कट

दिन उत्साहजनक रहनेछ र मन प्रसन्न रहनेछ। स्वास्थ्यमा गरिएको प्रयास र शिक्षा क्षेत्रको लगानीबाट राम्रो प्रतिफल पाइनेछ। विपक्षी समूहमा बौद्धिक व्यक्तिहरू भएकाले संयमित भएर थोरै बोल्नु बुद्धिमानी हुनेछ।

सिंह

खर्च बढ्ने र गोपनीयता जोगाउनुपर्ने चुनौती छ। कुनै पनि योजना अरूलाई सुनाउनुभन्दा काम सुरु गरिहाल्नु राम्रो हुनेछ। संकटको समयमा मन मिल्ने साथीहरूको बलियो साथ र सहयोग प्राप्त हुनेछ।

कन्या

फलफूल, कृषि तथा साझेदारीमा गरिएको लगानीबाट राम्रो फाइदा हुनेछ। स्वदेशमै आम्दानीका नयाँ बाटा फेला पर्नेछन्। स्वास्थ्यमा सुधार आउनुका साथै परिवारभित्र आफ्नो कामको प्रशंसा हुनेछ।

तुला

आफ्नो कला र प्रतिभा प्रदर्शन गर्ने उत्तम दिन छ। बौद्धिक व्यक्तित्वहरूसँगको भेटले मन प्रसन्न बनाउनेछ। राजनीतिक क्षेत्रका साथीहरूसँगको सहकार्य प्रभावकारी बन्दा समाजसेवाको अवसर मिल्नेछ।

वृश्चिक

रोकिएका कामहरू बन्नेछन् र मनमा नयाँ उत्साह जाग्नेछ। साथीभाइसँगको भेटघाटले भावी योजना बनाउन मद्दत पुग्नेछ। परिवारसँगको सम्बन्ध सुमधुर रहे पनि अरूको चिन्ता गर्दा आफ्नै स्वास्थ्यमा प्रतिकूल असर पर्न सक्छ।

धनु

दिन सामान्य रहनेछ। आम्दानीभन्दा खर्च बढी हुँदा मन भारी हुन सक्छ भने अनावश्यक यात्रामा धन खर्च हुने जोखिम छ। दिनको सुरुवात धार्मिक वा आध्यात्मिक कार्यबाट गर्नु उपयुक्त हुनेछ।

मकर

शुभ ग्रहको प्रभावले दिन निकै राम्रो छ। आम्दानीका दृष्टिले समय अनुकूल छ भने मिहिनेतअनुसार श्रमको उचित मूल्य पाइनेछ। परिवारसँगको सम्बन्ध थप सुमधुर बन्नेछ।

कुम्भ

दिन सकारात्मक रहनेछ। कतै घुमफिरको योजना बन्नुका साथै बौद्धिक व्यक्तिहरूसँग भेटघाट हुनेछ। आध्यात्मिक छलफलले मन हलुका बनाउनेछ भने परिवारको पूर्ण साथ र सहयोग मिल्नेछ।

मीन

मान-सम्मान प्राप्त हुने योग छ। संकटको समयमा परिवार र साथीभाइको राम्रो साथ-सहयोग पाइनेछ। श्रमको उचित मूल्यांकन हुनुका साथै मन मिल्ने साथीसँग सुखद भेटघाट हुनेछ।