न्युयोर्क। संयुक्त राष्ट्रसंघको महासभामा सहभागी हुन न्युयोर्कमा रहनुभएका परराष्ट्रमन्त्री शिशिर खनाल र अमेरिकाकी राजनीतिक मामिलासम्बन्धी उपविदेशमन्त्री एलिसन हुकरबीच द्विपक्षीय भेटवार्ता भएको छ।

न्युयोर्कस्थित नेपाली नियोगका अनुसार भेटका क्रममा नेपाल र अमेरिकाबीचको ऐतिहासिक सम्बन्धलाई थप सुदृढ बनाउने विषयका साथै हालै भोटेकोशी क्षेत्रमा गएको विनाशकारी बाढीपछिको राहत, उद्धार तथा पुनर्निर्माणका प्रयासहरूबारे गहन छलफल भएको थियो।

सो अवसरमा मन्त्री खनाल र उपविदेशमन्त्री हुकरबीच बाढी प्रभावित क्षेत्रको पुनर्निर्माण तथा पुनःस्थापनाका कार्यहरूमा अमेरिकाको निरन्तर सहयोग र सहकार्यबारे समेत विचार-विमर्श भएको छ।

उच्चस्तरीय भेटघाटको अवसरमा संयुक्त राष्ट्रसंघका लागि नेपालका स्थायी नियोग प्रमुख लोकबहादुर थापा, परराष्ट्रसचिव अमृतबहादुर राई लगायतका उच्च अधिकारीहरूको सहभागिता रहेको नेपाली नियोगले जनाएको छ।