काठमाडौं। नेपालले आफ्नो सरकारी निशान छापमा भएको नेपालको नक्सा संशोधन गर्ने गरी प्रतिनिधि सभाबाट संविधान संशोधन विधेयक पारित गरेपछि भारतीय विदेश मन्त्रालयले आधिकारिक रुपमा यसप्रति प्रतिक्रिया जनाएको छ ।

भारतीय विदेश मन्त्रालयमा प्रवक्ता अनुराग श्रीवास्तवले आज एक पत्रकार सम्मेलनमा भारतको धारणा सार्वजनिक गरेका हुन् ।

श्रीवास्तवले भनेका छन् ‘नेपालको प्रतिनिधि सभाले भारतीय भूभाग आफ्नो नक्साभित्र समावेश गर्नको लागि संविधान संशोधन विधेयक पारित गरेको आमीले नोट गरेका छौं । यस विषयमा हामीले आफ्नो पक्ष यसअघि नै स्पष्ट पारेका थियौं । यो कृत्रिम विस्तारको दावी ऐतिहासिक तथ्य वा प्रमाणमा आधारित छैन र यो स्वीकार्य छैन । यो हामीबीच हालै भएको सीमा समस्याका विषय संवादबाट सुल्झाउने सहमति विपरित पनि हो ।’