काठमाडौं। वैदेशिक रोजगारीका लागि साउदी अरब पुगेका एक नेपाली युवा विरामी भएर अस्पतालमा अलपत्र परेका छन्। रियादस्थित नेपाली दूतावासले मंगलबार उनको तस्वीर र नाम जारी गर्दै उनको नेपालको ठेगना खुल्न नसकेको जनाएको छ।

दूतावासले प्रकाश गुरुङ नाम गरेका नेपाली साउदीको थोडक अस्पतालमा रहेको र उनको नेपालको ठेगना तथा आफन्तबारे केही खुल्न नसकेको जनाएको छ। दूतावासले उनको तस्वीर सार्वजनिक गर्दै उनलाई चिन्नेहरुलाई सहयोग गर्न अपीलसमेत गरेको छ।