काठमाडौं। कोभिड–१९ को लागि नाकबाट स्वाब लिने क्रममा अमेरिकामा एक महिलाको मस्तिस्कको झिल्लि फुटेर नाकबाट फ्लुड बग्न थालेपछि उनको स्थिति निकै गम्भीर भएको खुलासा भएको छ । बिहीबार एक मेडिकल जर्नलले डाक्टरलाई उद्धृत गर्दै यसबारे जानकारी दिएको समाचार एजेन्सी एएफपीले जनाएको छ । ४० को उमेरकी ती महिला बिरामी निदान हुन नसकेको दुर्लभ स्वास्थ्य स्थितिबाट ग्रसित थिइन्। उनको परीक्षण सही तरिकाले नभएको पाइएको छ ।

यो घटनाले स्वासथ्यकर्मीले परीक्षणको प्रोटोकल गम्भीरतापूर्व पालना गर्नुपर्ने र सचेत हुनुपर्ने देखिएको यो दस्तावेजका बरिष्ठ लेखक जेरेट वाल्शले एएफपीसँग भने । उनले टाउकोसँग सम्बन्धित सर्जरी गरेका व्यक्तिहरुले उपलब्ध भएसँग मुखबाट स्वाब लिन आग्रह गर्नुपर्ने उनले बताए । डा. वाल्शका अनुसार ती महिलाले स्वाब दिनुअघि उनको हर्नियाको अपरेशन भएको थियो । स्वाब लिने क्रममा मस्तिस्कमा क्षति पुगेपछि उनलाई टाउको दुख्ने, बान्ता हुने, घाँटीको समस्या र प्रकाशमा हेर्न नसक्ने समस्या देखिएको थियो र उनलाई तत्कालै डा. वाल्शको निगरानीमा पठाइयो ।