काठमाडौं। रिपब्लिक टिभीका सम्पादक अर्णब गोस्वामीविरुद्ध मुम्बइ पुलिसको वर्ली डिभिजनका एसीपीले साम्प्रदायिकता भड्काउने कुरा गरेको आरोपमा कानुनी नोटिस पठाएका छन् । उनलाई १६ अक्टोबरमा सोधपुछका लागि हाजिर हुन भनिएको छ । अर्णबमाथि यो कारवाही पालघर लिंचिङ केस र लकडाउनको क्रममा बान्द्रा स्टेशनबाहिर जम्मा भएको भीडको रिपोर्टिङको सम्बन्धमा भएको हो ।

दैनिक भास्करका अनुसार पुलिसले अर्णबमाथि पालघरमा साधुहरुको हत्या र बान्द्रामा जम्मा भएको भीडको सम्बन्धमा आफ्नो शो ‘पूछता है भारत’मा धार्मिक भावना भड्काउने कुरा गरेको आरोप लगाएको छ । पुलिसका अनुसार दुवै कार्यक्रम लकडाउनका बेला भएकोले मात्रै दंगा भड्किन नपाएको पुलिसले बताएको छ । नोटिसमा अर्णबले आइन्दा कुनै पनि सामप्रदायिक भावना भड्काउने काम गर्ने छैनन् र यसको लागि उनी १६ अक्टोबरमा एसीपीको अगाडि पेश भएर १० लाख रुपैयाँको बोन्ड भर्नुपर्ने भनिएको छ ।

रिपब्लिक टिभीमाथि फर्जी टिआरपीको केस पनि चलिरहेको छ । यो केसमा क्राइम इन्टेलिजेन्स युनिटले जाँच गरिरहेको छ । यो केसमा सोधपुछका लागि रिपब्लिक टिभीका २ जनालाई नोटिस पठाइएको छ ।