काठमाडौं । सर्वोच्च अदालतले खोप केन्द्रसम्म जान नसक्ने जेष्ट नागरिक,अशक्त तथा अपांगता भएका र दृष्टिविहीन लगायत दीर्घरोगीहरुलाई घर घरमै गएर खोप लगाउन आदेश दिएको छ ।

न्यायाधीश प्रकाशकुमार ढुंगानाको एकल इजलासले अशक्त,अपांग र दीर्घ रोगी तथा थला परेकाहरुको वडास्तरबाट लगत संकलन गरि घर घरमै खोप सेवा उपलब्ध गराउन आदेश जारी गरेको हो ।

अधिवक्ता प्रवेश केसीको रिटमाथि सुनुवाई गर्दै संविधानले दिएको मौलिक हक कार्यन्वयनका सन्दर्भमा अदालतले शुक्रबार यस्तो आदेश दिएको हो ।