काठमाडौं । संखुवासभामा गए राती एकै परिवारका ६ जनाको हत्या भएको छ ।

मादी नगरपालिका–१ खोला गाउँका तेजबहादुर कार्कीको परिवारका ६ जनाको हत्या भएको प्रहरीले जनाएको छ । धारिलो हतियार प्रहार गरी हत्या गरेको अवस्थामा शव फेला परेको संखुवासभाका प्रहरी नायव उपरीक्षक (डीएसपी) लालध्वज सुवेदीले पुष्टि गरेका छन् ।

उनका अनुसार अहिले थप प्रहरी घट्नास्थलमा जाँदै गरेको छ । हत्या गरिएको शब खोल्सा र बारीमा छरिएर रहेको अवस्थामा भेटिएका छन् ।