काठमाडौं । पछिल्लो २४ घण्टामा ३८२ जना कोरोना भाइरसका सङ्क्रमित थपिएका छन् । ५ हजार ७ जनामा पीसीआर परीक्षण गरिएकोमा २२४ जनामा र १५ हजार ९५२ जनामा एन्टीजेन परीक्षण गर्दा ४० जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

नेपालमा कोरोना सङ्क्रमणमुक्त हुने दर ९८ प्रतिशत रहेको छ । यसैगरी, पछिल्लो २४ घण्टामा २५२ जना कोरोना मुक्त भएको स्वास्थ्य मन्त्रालयले जनाएको छ । कोरोनाबाट मृत्यु हुनेको सङ्ख्या ११ हजार ५९४ पुगेको छ ।

यसैगरी देशमा हालसम्म ४ हजार ९६९ जना सक्रिय सङ्क्रमित रहेका छन् ।