काठमाडौं। चीनले आइतबार बेलायतलाई चेतावनी दिँदै ‘कोल्ड वार प्ले बुक’को पालना नगर्न भनेको छ किनकि अगाडि गएर गसको कुनै परिणाम निस्किनेवाला छैन । खासमा यसअघि बेलायतका शीर्ष अधिकारीहरुले र रक्षा मन्त्रालयका जानकारहरुले आफ्ना अस्ट्रेलियाली समकक्षीसँग छलफल गरेका थिए र अकुस सम्झौतालाई अगाडि बढाउने कुरामा जोड दिएका थिए । उनीहरुले रुस–चीनको मुकाबिला गर्नको लागि एक वैचारिक गुट संयोजनको पनि कुरा गरेका थिए ।

बेलायतको यो कदमपछि चीनले प्रतिक्रिया दिँदै चेतावनी दिएको हो । अकुस एक ऐतिहासिक सुरक्षा सम्झौता हो जसमा अमेरिका, बेलायत र अस्ट्रेलिया सहभागी छन् । यो सम्झौताको पछाडि अमेरिकाको उद्देश्य चीनको यस क्षेत्रमा बढ्दो दबदबालाई कम गर्नु भएको बताइएको छ ।

चीनले अकुसको गठनपछि यसको निन्दा गरेको थियो र यो निकै गैरजिम्मेवारीपूर्ण र संकीर्ण सोच सहितको भएको बताएको थियो । चीनको विदेश मन्त्रालयका प्रवक्ता चाओ लिजनले यो गठबन्धनले क्षेत्रीले शान्तिलाई गम्भीर रुले नोक्सानी गर्ने र हतियारको दौडलाई बढाउने बताएका थिए ।

ग्लोबल टाइम्सको रिपोर्टअनुसार बेलायत कैयौं मामिलामा चीनसँग गतिरोधको स्थितिमा छ र एक किसिमले ऊ अमेरिकी रणनीतिको पालना गरिरहेको देखिएको छ । ग्लोबल टाइम्सले भनेको छ ‘बेलायतको यो कदमले बोरिस जोनसनको प्रशासन स्थानीय मुद्दाबाट जनताको ध्यान भट्काउने कोसिस गरिरहेको मात्र होइन बेलायती विदेश मन्त्री लिज ट्रासको महत्वाकांक्षालाई पनि दर्शाउँछ ।’